అన్ని కరోనా వేరియంట్ల నుంచి స్పుత్నిక్ కాపాడుతుంది: రష్యా సైంటిస్టులు

Jun 23 2021 @ 23:44PM

మాస్కో: ప్రపంచాన్ని గజగజలాడిస్తున్న కరోనా వేరియంట్లు అన్నింటిపైనా తమ వ్యాక్సిన్ పనిచేస్తుందని రష్యా సైంటిస్టులు అంటున్నారు. స్పుత్నిక్ వీ వ్యాక్సిన్ తయారు చేసిన రష్యాలోని గామాలేయా ఇన్‌స్టిట్యూట్‌కు చెందిన అలెగ్జాండర్ గింట్స్‌బర్గ్ ఈ మేరకు ఒక ప్రకటన చేశారు. ప్రస్తుతం ప్రపంచంలో ఉన్న కరోనా వేరియంట్లు అన్నింటినీ స్పుత్నిక్ సమర్థవంతంగా ఎదుర్కొంటుందని అలెగ్జాండర్ తెలిపారు. ప్రస్తుతం ప్రపంచ మొత్తం భయపడుతున్న డెల్టా వేరియంట్‌పై కూడా స్పుత్నిక్ ప్రభావం చూపుతుందని ఆయన చెప్పారు. ‘‘స్పుత్నిక్ వీ వ్యాక్సిన్ తీసుకున్న తర్వాత శరీరంలో ఉత్పత్తి అయ్యే యాంటీబాడీలు ప్రస్తుతం ప్రపంచంలో ఉన్న అన్ని రకాల కరోనా వేరియంట్లను సమర్థవంతంగా నిలువరిస్తాయి. యూకేలో వెలుగు చూసిన ఆల్ఫా వేరియంట్ నుంచి భారత్‌లో బయటపడిన డెల్టా వరకూ ఏ వేరియంట్‌పై అయినా సరే స్పుత్నిక్ ప్రభావం చూపుతుంది’’ అని  పేర్కొన్నారు.

Follow Us on:

తాజా వార్తలుమరిన్ని...

అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.