Advertisement

వైభవంగా శ్రీసీతారాముల కళ్యాణం

Apr 22 2021 @ 00:36AM
సంపత్‌నగర్‌ శారదాపీఠంలో మంగళసూత్రాలను భక్తులకు చూపుతున్న అర్చకులు

గుంటూరు (సాంస్కృతికం), ఏప్రిల్‌ 21: శ్రీరామ పర్వదినాన్ని పురస్కరించుకుని నగరంలోని పలు ఆలయాల్లో బుధవారం సీతారాముల కల్యాణం వైభవంగా నిర్వహించారు. కొవిడ్‌ నిబంధనలు పాటిస్తూ మూలవిరాట్‌లకు ప్రత్యేక అభిషేకాలు, అర్చనలు, అలంకరణ నిర్వహించారు. వేదపండితుల ఆధ్వర్యంలో దంపతులచే స్వామి ఉత్సవమూర్తులకు అభిజిత్‌ లగ్నంలో కల్యాణాన్ని శాస్ర్తోక్తంగా నిర్వహించారు. కొన్ని ఆలయాలలో పట్టాభిషేకాన్ని నిర్వహించారు. 

కొరిటెపాడు కోదండరామాలయంలో జరిగిన స్వామివారి కల్యాణోత్సవంలో మాజీ ఎమ్మెల్సీ డాక్టర్‌ రాయపాటి శ్రీనివాస్‌ తదితరులు పాల్గొన్నారు. మారుతీనగర్‌ మారుతీదేవాలయం, ఇన్నర్‌ రింగురోడ్డు రామాలయం, ఆర్‌.అగ్రహారం వెంకటేశ్వర స్వామి ఆలయం, ఏలూరుబజార్‌ రామమందిరం, చౌత్రా రామాలయం, స్తంభాలగరువు, బృందావన్‌ గార్డెన్స్‌, ఎస్‌వీఎన్‌ కాలనీ, వెంకటేశ్వర స్వామి ఆలయం, గోరంట్ల వెంకటేశ్వర స్వామి ఆలయం, సంపత్‌నగర్‌ రామనామక్షేత్రం, శారదాపీఠం, శ్రీ సీతారామాంజనేయస్వామి ఆలయం తదితర ఆలయాల్లో కల్యాణోత్సవాలు నిర్వహించారు. 

 
బృందావన్‌గార్డెన్స్‌ శ్రీ వేంకటేశ్వరస్వామి ఆలయంలో భక్తులకు హారతి చూపుతున్న అర్చకులు


Follow Us on:
Advertisement
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.