దక్షిణాది, ఉత్తరాది సినీ ప్రేక్షకులకు సుపరిచితురాలైన హీరోయిన్స్‌లో శ్రుతిహాసన్‌ ఒకటి. ప్రేమ కారణంగా సినిమాల నుండి బ్రేక్‌ తీసుకుంది. అయితే లవ్‌ బ్రేకప్‌ కావడంతో మళ్లీ సినిమాలు, మ్యూజిక్‌ అంటూ తనకు నచ్చిన బాటలోనే పయనించడం మొదలు పెట్టింది. ప్రస్తుతం వరుస సినిమాలతో ఫుల్‌ బిజీగా ఉన్న ఈ చెన్నై సొగసరి సోషల్‌ మీడియాలో అభిమానులతో రీసెంట్ గా చిట్‌ చాట్‌ చేసింది. అభిమానులు అడిగిన ప్రశ్నలన్నింటికీ ఓపికగా సమాధానాలు చెప్పింది శ్రుతిహాసన్‌. ఓ అభిమాని ఈ ఏడాదిలో మీరు పెళ్లి చేసుకోబోతున్నారా? అని ప్రశ్నిస్తే అదంతా ఫేక్‌ న్యూస్‌ అని కొట్టి పారేసింది శ్రుతి. ఓ అభిమాని అయితే మీ మాజీ ప్రియుడు మైకేల్‌ గుర్తుకు వస్తే అసహ్యం వేస్తుందా? అని ప్రశ్నిస్తే.. శ్రుతిహాసన్‌ ఏ మాత్రం ఇబ్బంది పడకుండా సమాధానం ఇచ్చింది. 'మీరు నిజంగా చెడ్డవారు. ఎందుకంటే, నేను ఎవరినీ ఆసహ్యించుకోను. కాబట్టి నా దగ్గర సమాధానం లేదు. అయితే లోలోపల కాస్త బాధపడతాను' అని చాలా క్లారిటీగా సమాధానం చెప్పింది శ్రుతిహాసన్‌.