స్టాఫ్‌ నర్సులను విధుల్లోకి తీసుకోవాలి
ABN , First Publish Date - 2021-07-25T08:40:27+05:30 IST
కరోనా కష్టకాలంలో ప్రజలకు సేవలందించిన ఔట్‌ సోర్సింగ్‌, కాంట్రాక్టు స్టాఫ్‌ నర్సులను తొలగించడం అత్యంత దుర్మార్గమని పలుపార్టీల నేతలు ధ్వజమెత్తారు...
- ఇందిరాపార్కు వద్ద ధర్నాలో నేతలు
కవాడిగూడ, జూలై 24 (ఆంధ్రజ్యోతి): కరోనా కష్టకాలంలో ప్రజలకు సేవలందించిన ఔట్‌ సోర్సింగ్‌, కాంట్రాక్టు స్టాఫ్‌ నర్సులను తొలగించడం అత్యంత దుర్మార్గమని పలుపార్టీల నేతలు ధ్వజమెత్తారు. వారిని బేషరతుగా విధుల్లోకి తీసుకోవాలని, లేకుంటే న్యాయం జరిగేంత వరకు పోరాటం కొనసాగిస్తామని అన్నారు. శనివారం ఇందిరాపార్కు వద్ద స్టాఫ్‌ నర్సుల ధర్నా కు ఎన్‌ఎ్‌సయూఐ రాష్ట్ర ఉపాధ్యక్షుడు ఆదం సృజన్‌, సీఐటీయూ నాయకు డు కుమారస్వామి మద్దతు తెలిపారు. అనంతరం వారు మాట్లాడుతూ.. చాలా మంది స్టాఫ్‌ నర్సులు వయో పరిమితి దాటిపోయి వేరే ఉద్యోగాలు చేయలేని స్దితిలో ఉన్నారని, వారిని ప్రభుత్వం ఆదుకోకపోతే ఆత్మహత్యలు చేసుకునే ప్రమాదం ఉందని ఆందోళన వ్యక్తం చేశారు.
