- పీఈటీ అరెస్టు
వేలూరు(చెన్నై): రాణిపేట జిల్లా కారై గ్రామంలో ప్రభుత్వ పిల్లల అబ్జర్వేషన్‌ పాఠశాల ఉంది. ఇక్కడ సుమారు 120 మంది విద్యార్థులున్నారు. వారంతా ఓ ప్రాంతంలోని ప్రభుత్వ పాఠశాలో చదువుతున్నారు. తిరుపత్తూర్‌ జిల్లా మండపవాడికి చెందిన సెంథిల్‌కుమార్‌ (47) ఆ పాఠశాలలో వ్యాయామ ఉపాధ్యాయుడుగా పనిచేస్తున్నాడు. గత వారం ఈ పాఠశాలను సూపరింటెండెంట్‌ జయకుమార్‌ సందర్శించగా విద్యార్థినుల ప్రవర్తనలో మార్పులను గమనించి విచారించాడు. ఉపాధ్యాయుడు సెంథిల్‌కుమార్‌ రెండేళ్లుగా కొందరు విద్యార్థులను లైంగికంగా వేధించినట్లు, ఈ విషయాన్ని బయటకు చెప్పకూడదని ఒత్తిడి చేశాడని తెలిసింది. దీనిపై జయకుమార్‌ ఇచ్చిన ఫిర్యాదు మేరకు కేసు నమోదుచేసిన రాణిపేట మహిళా పోలీసులు సెంథిల్‌కుమార్‌ను పోక్సో చట్టం కింద అరెస్ట్‌ చేసి వేలూరు జైలుకు తరలించారు. నిందితుడికి వివాహమై నలుగురు కుమార్తెలున్నారు.