గన్ కల్చర్‌పై US సుప్రీంకోర్టు సంచలన తీర్పు.. Joe Biden సర్కార్‌కు షాక్!

Published: Fri, 24 Jun 2022 08:54:27 ISTfb-iconwhatsapp-icontwitter-icon
గన్ కల్చర్‌పై US సుప్రీంకోర్టు సంచలన తీర్పు.. Joe Biden సర్కార్‌కు షాక్!

తుపాకులు అమెరికన్ల హక్కు!

ఆత్మరక్షణ కోసం తీసుకెళ్లొచ్చు: సుప్రీంకోర్టు

వాషింగ్టన్‌, జూన్‌ 23: అమెరికాలో తుపాకీ హింస నానాటికీ పెరిగిపోతున్న తరుణంలో ఆ దేశ అత్యున్నత న్యాయస్థానం కీలక తీర్పు వెలువరించింది. బహిరంగంగా తుపాకులు కలిగి ఉండే హక్కు అమెరికన్లకు ఉందని గురువారం స్పష్టం చేసింది. 6-3 మెజారిటీతో న్యాయమూర్తులు ఈ తీర్పును వెలువరించారు. న్యూయార్క్‌, లాస్‌ఏంజెలిస్‌, బోస్టన్‌ తదితర పెద్ద నగరాలు సహా అన్ని  ప్రాంతాల్లో పౌరులు తమ వెంట తుపాకులు తీసుకుని వెళ్లొచ్చు. వ్యక్తిగత రక్షణకు బహిరంగంగా తుపాకీ కలిగి ఉండటం ఓ వ్యక్తి హక్కు అని జస్టిస్‌ క్లారెన్స్‌ థామస్‌ తీర్పులో రాశారు. ఈ సందర్భంగా న్యూయార్క్‌ చేసిన చట్టాన్ని కొట్టివేసింది. టెక్సస్‌, న్యూ యార్క్‌, కాలిఫోర్నియాల్లో కాల్పుల ఘటనలు చోటుచేసుకున్న నేపథ్యంలో బైడెన్‌ సర్కారు తుపాకుల సంస్కృతికి అడ్డుకట్ట వేస్తూ చట్టం రూపొందించే ప్రయత్నాల్లో ఉంది. ఈ దశలో సుప్రీం తీర్పు వెలువడటం గమనార్హం.  


భారత్‌లో ‘మతస్వేచ్ఛ’ మృగ్యం!

అమెరికా పార్లమెంటు ముందుకు భారత్‌కు వ్యతిరేకంగా అసాధారణ రీతిలో ఒక తీర్మానం వచ్చింది. ‘మత స్వాతంత్య్రం ప్రమాదంలో పడిన’ దేశంగా భారత్‌ను ప్రకటించాలని ఆ తీర్మానం కోరింది. భారత్‌ పట్ల వ్యతిరేకతను, పాకిస్థాన్‌ పట్ల సానుకూలతను బాహాటంగానే ప్రదర్శించే అధికార డెమోక్రటిక్‌ పార్టీ మహిళా ఎంపీ ఇహాన్‌ ఒమన్‌ గురువారం ఈ తీర్మానం ప్రవేశపెట్టారు. మరో ఇద్దరు మహిళా ఎంపీలు రషీదా తాలిబ్‌, జువాన్‌ వర్గా్‌సతో కలిసి పార్లమెంటు దిగువ సభలో ఆమె ఈ అంశం లేవనెత్తారు. ఈ తీర్మానాన్ని సభ విదేశీ వ్యవహారాల స్థాయీ సంఘానికి నివేదించింది. దీనిపై అవసరమైన చర్యలను సూచించాలని సంఘాన్ని కోరింది.       

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.