అభిమానులకు అండగా సూర్య

Jun 10 2021 @ 09:16AM

కోలీవుడ్ స్టార్ హీరో తన అభిమానులకు అండగా నిలిచారు. కొవిడ్ కారణంగా ఎంతో మంది ఉపాది కోల్పోవడంతో జీనధారమే భారంగా మారింది. ఈ నేపథ్యంలో కొందరికి పూటగడవడం కూడా ఎంతో కష్టంగా ఉంది. దీంతో పలువురు సినీ తారలు ప్రజలకు, తమ అభిమానులకు అండగా నిలుస్తున్నారు. తమవంతు సహాయంగా వీలైనన్నీ విధాలుగా ఆపన్న హస్తం అందిస్తున్నారు. ఈ క్రమంలోనే తమిళ స్టార్ సూర్య తన అభిమానులను ఆదుకున్నాడు. తన అభిమాన సంఘంలో ఉన్న 250 మంది అభిమానుల ఒక్కొక్కరికి రూ. 5000 /- చొప్పున మొత్తం 12.5 లక్షల రూపాయల ఆర్థిక సహాయం అందించారు. ఈ మొత్తాన్ని నేరుగా వారి బ్యాంక్ ఖాతాల్లో జమచేశారు. సూర్య  ఫౌండేషన్ అగరం ద్వారా ఎంతోమంది పేద విద్యార్థులకు స్కాలర్‌షిప్స్ అందిస్తుండటమే కాకుండా, సొసైటీకి అవసరమయినప్పుడు తనవంతు సహాయ సహకారాలను అందిస్తున్నారు. ఇక ఆయన సినిమాల విషయానికొస్తే పాండిరాజ్, టిజే జ్ఞానవేల్, వెట్రిమారన్‌ల దర్శకత్వంలో నటిస్తున్నారు. 

Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.