అమెరికాలో ఘోరం.. క్రిస్మస్ పరేడ్‌పై ఎస్‌యూవీ దూసుకెళ్లడంతో..

Published: Mon, 22 Nov 2021 19:23:41 ISTfb-iconwhatsapp-icontwitter-icon
అమెరికాలో ఘోరం.. క్రిస్మస్ పరేడ్‌పై ఎస్‌యూవీ దూసుకెళ్లడంతో..

వాషింగ్టన్: అమెరికాలో తాజాగా ఘోర ప్రమాదం చోటుచేసుకుంది. క్రిస్మస్ పరేడ్‌పైకి ఓ భారీ ఎస్‌యూవీ దూసుకెళ్లడంతో ఏకంగా ఐదుగురు ప్రాణాలు కోల్పోయారు. దాదాపు 40 మంది గాయపడ్డారు. విస్కాన్సిన్ రాష్ట్రంలోని వాకీషా టౌన్‌లో ఆదివారం సాయంత్రం ఈ దారుణం జరిగింది. ఈ పరేడ్‌లో పిల్లలు కూడా పాల్గొనడంతో వారి తల్లిదండ్రులు తమ చిన్నారులకు ప్రమాదంలో పడ్డారేమోనని తల్లడిల్లిపోయారు. మృతి చెందిన వారిలో తన కూతురు ఉందేమోనన్న ఆందోళనతో ఓ తండ్రి అక్కడ వెతుకుతున్న దృశ్యాలు సోషల్ మీడియాలో వైరల్ అయ్యాయి. 

ఈ ఘటనకు సంబంధించి ఓ వ్యక్తిని పోలీసులు అదుపులోకి తీసుకున్నట్టు తెలుస్తోంది. కానీ.. పోలీసులు మాత్రం ఇప్పటివరకూ ఈ విషయమై ఎటువంటి వివరాలు వెల్లడించలేదు. ప్రతి ఏటా క్రిస్మస్‌కు కొద్ది రోజుల ముందు స్థానికులు ఈ పరేడ్ నిర్వహిస్తారని తెలుస్తోంది. కాగా.. ప్రమాదానికి సంబంధించిన దృశ్యాలన్నీ అక్కడి ట్రాఫిక్ కెమెరాల్లో రికార్డయ్యాయి. బారికేడ్లను తోసుకుంటూ కారు పరేడ్‌పైకి దూసుకొచ్చినట్టు రికార్డయ్యింది. ప్రమాదం సమయంలో అక్కడే ఉన్నఓ పోలీసు అధికారి ఆ ఎస్‌యూవీపై కాల్పులు జరిపినా కారు ఆగకుండా ముందుకెళ్లిపోయింది. క్షతగాత్రుల్లో 12 మంది చిన్నారులు కూడా ఉన్నారు.

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.