ఐటీ దాడులపై తాప్సీ స్పందన!

అన్నపూర్ణ మ్యారేజెస్ అన్ని కులముల వారికి పెళ్లి సంబంధములు చూడబడును. ప్రవేశం ఉచితం ఉన్నతమైన కుటుంబాల ఎంపిక PH: 9397979750

బాలీవుడ్ హీరోయిన్ తాప్సీ, డైరెక్టర్ అనురాగ్ కశ్యప్ ఇళ్లపై గత మూడు రోజులుగా ఐటీ అధికారులు సోదాలు నిర్వహిస్తున్న సంగతి తెలిసిందే. ఈ సోదాలపై తాప్సీ తాజాగా ట్విటర్ ద్వారా స్పందించింది. `ప్రధానంగా మూడు విషయాలపై గత మూడు రోజులుగా తీవ్ర శోధన జరిగింది. 1) నాకు పారిస్‌లో బంగ్లా ఉందని ఆరోపించారు కదా.. ఆ ఇంటి తాళాలు కోసం శోధించాను. ఎందుకంటే వేసవి సమీపిస్తోంది కదా.. 2) అలాగే భవిష్యత్తు అవసరాల కోసం ఉపయోగపడుతుందనే ఆశతో రూ.5 కోట్ల రిసీప్ట్ కోసం వెతికాను. ఎందుకంటే ఆ డబ్బును నేను గతంలో తిరస్కరించాను. 3)అలాగే గౌరవనీయ ఆర్థిక మంత్రిగారు చెప్పినట్టు 2013లో నాపై జరిగిన ఐటీ దాడుల జ్ఞాపకాన్ని కూడా శోధించాన`ని తాప్సీ వ్యంగ్యంగా ట్వీట్లు చేసింది. 

తాప్సీకి పారిస్‌లో ఓ ఖరీదైన బంగ్లా ఉందని, అలాగే లెక్కల్లోకి రాని 5 కోట్ల రూపాయల నల్లధనం ఆమె వద్ద ఉందని సోషల్ మీడియాలో తీవ్ర ప్రచారం జరుగుతోంది. ఇక, ఈ ఐటీ దాడులపై తీవ్ర విమర్శలు రావడంతో ఆర్థిక మంత్రి నిర్మాలా సీతారామన్ స్పందిస్తూ.. `ఇలాంటి దాడులు సర్వ సాధారణం. 2013లోనూ వాళ్లపై ఐటీ దాడులు జరిగాయి కదా` అని పేర్కొన్నారు. వీటికి తాప్సీ తాజాగా కౌంటర్ ఇచ్చింది. నిజానికి తాప్సీపై గతంలో ఐటీ దాడులు జరగలేదు.