love marriage: ముగ్గురు తమిళ యువతులతో ఫ్రెంచ్‌ యువకుల ప్రేమ వివాహం

ABN , First Publish Date - 2022-08-16T15:59:02+05:30 IST

ఫ్రాన్స్‌ దేశానికి చెందిన ముగ్గురు యువకులు ఓ తమిళ కుటుంబానికి చెందిన అక్కాచెల్లెళ్లు ముగ్గురిని ప్రేమవివాహం(love marriage) చేసుకున్నారు. ఈ

love marriage: ముగ్గురు తమిళ యువతులతో ఫ్రెంచ్‌ యువకుల ప్రేమ వివాహం

చెన్నై, ఆగస్టు 15 (ఆంధ్రజ్యోతి): ఫ్రాన్స్‌ దేశానికి చెందిన ముగ్గురు యువకులు ఓ తమిళ కుటుంబానికి చెందిన అక్కాచెల్లెళ్లు ముగ్గురిని ప్రేమవివాహం(love marriage) చేసుకున్నారు. ఈ వివాహంతో తిరుచెందూరు ఆలయంలో సందడి నెలకొంది. తిరునల్వేలి జిల్లా సుద్దమల్లి ప్రాంతానికి చెందిన మాసిలామణి, ఆనంది దంపతులు. వీరు సంవత్సరాలుగా ఫ్రాన్స్‌దేశంలో నివసిస్తూ ఆ దేశపు పౌరసత్వాన్ని కలిగి ఉంటున్నారు. మాసిలామణి ఓ రెస్టారెంట్‌(Restaurant)లో మేనేజర్‌గా వ్యవహరిస్తున్నారు. వీరికి గాయత్రి, కీర్తిక, నారాయణి అనే ముగ్గురు కుమార్తెలు. ఈ ముగ్గురూ ఆ దేశంలోనే చదివి మంచి ఉద్యోగాలు చేస్తున్నారు. ఈ ముగ్గురు అక్కాచెల్లెళ్లు(Sisters) ఫ్రాన్స్‌ దేశానికి చెందిన జార్జ్‌, రామ్‌కుమార్‌, మజ్జూ అనే యువకులను ప్రేమించారు. వీరి ప్రేమకు ఇరువైపు కుటుంబాల వారు పచ్చజెండా ఊపారు. దీంతో మాసిలామణి తన కుటుంబ సంప్రదాయం ప్రకారం తిరుచెందూరులోని కులదైవమైన సుబ్రహ్మణ్యస్వామి ఆలయంలో ఈ మూడు జంటలకు ముచ్చటగా తమిళ సంప్రదాయం ప్రకారం పెళ్లి జరిపించారు. ఈ నూతన వధూవరులను ఆలయ ప్రధానార్చకులు, కుటుంబీకులు, బంధువులు, స్నేహితులు ఆశీర్వదించారు. 

Updated Date - 2022-08-16T15:59:02+05:30 IST