ఫిలడెల్ఫియాలో 23వ TANA మహాసభలు

ABN , First Publish Date - 2022-06-25T14:08:10+05:30 IST

23వ తానా మహాసభలు ఫిలడెల్ఫియాలోని పెన్సిల్వేనియా కన్వెన్షన్ సెంటర్‌లో 2023 జులై 7 నుండి 9 వరకు నిర్వహించనున్నట్లు తానా (TANA) అధ్యక్షుడు లావు అంజయ్య చౌదరి తెలిపారు.

ఫిలడెల్ఫియాలో 23వ TANA మహాసభలు

ఫిలడెల్ఫియా: 23వ తానా మహాసభలు ఫిలడెల్ఫియాలోని పెన్సిల్వేనియా కన్వెన్షన్ సెంటర్‌లో 2023 జులై 7 నుండి 9 వరకు నిర్వహించనున్నట్లు తానా (TANA) అధ్యక్షుడు లావు అంజయ్య చౌదరి తెలిపారు. తానా సైట్ సెలక్షన్ కమిటీ చైర్మన్ అనిల్ యలమంచిలి, సభ్యులు పూర్ణ వీరపనేని, రామ్ మద్ది బృందం తానా (TANA) మహాసభల వేదిక కోసం అట్లాంటాతో పాటు పలు నగరాలలోని కన్వెన్షన్ సెంటర్స్‌తో చర్చించిన తర్వాత ఫిలడెల్ఫియాలోని పెన్సిల్వేనియా కన్వెన్షన్ సెంటర్‌ను 2023 తానా మహాసభల వేదికగా సిఫార్సు చేయడం జరిగిందని తానా సైట్ సెలక్షన్ కమిటీ సిఫార్సు‌కు తానా (TANA) కార్యవర్గం, బోర్డు ఆమోదం తెలపడం జరిగిందని అంజయ్య చౌదరి తెలిపారు. తానా మహాసభల కోఆర్డినేటర్‌గా రవి పొట్లూరిని నియమించినట్లు తెలిపారు. తానాలో రీజినల్ కోఆర్డినేటర్ నుంచి కార్యదర్శి వరకు పలు పదవులు నిర్వహించి, తానా కార్యక్రమాల నిర్వహణలో విశేష అనుభవమున్న రవి పొట్లూరి కోఆర్డినేటర్‌గా, తానా సభ్యులు, నాయకత్వం, దాతల సహకారంతో 23వ తానా మహాసభలు అంగరంగ వైభవంగా జరపనున్నట్లు అంజయ్య చౌదరి తెలిపారు.  తానా కోఆర్డినేటర్‌గా నియమించినందుకు అధ్యక్షులు అంజయ్య చౌదరికి తానా కార్యవర్గానికి తానా మహాసభల కోఆర్డినేటర్ రవి పొట్లూరి కృతజ్ఞతలు తెలిపారు.

Updated Date - 2022-06-25T14:08:10+05:30 IST