Biometric: ఉపాధ్యాయులకు బయోమెట్రిక్‌ తప్పనిసరి

                           - పాఠశాలకు 15 నిమిషాలు ముందే హజరు కావాలి 

బెంగళూరు, సెప్టెంబరు 7 (ఆంధ్రజ్యోతి): పాఠశాల ప్రారంభ సమయం కంటే 15 నిమిషాలు ముందే హాజరు కావాలని, బయోమెట్రిక్‌(Biometric) విధానాన్ని తప్పనిసరిగా పాటించాలని ఉపాధ్యాయులకు విద్యాశాఖ మంగళవారం ఆదేశాలు జారీ చేసింది. పాఠశాలలకు ఉపాధ్యాయులు ఆలస్యంగా హాజరవుతున్నట్టు ఆరోపణలు వినిపిస్తుండడంతో రాష్ట్ర వ్యాప్తంగా ప్రభుత్వ ప్రాథమిక, ఉన్నత పాఠశాలల ఉపాధ్యాయులంతా ఈ మేరకు నియమాలను పాటించాల్సిందేనని స్పష్టమైన ఆదేశాలు జారీ చేసింది. అలాగే సెలవులపై వెళ్లేవారు పాఠశాల ప్రధానోపాధ్యాయుడు(Principal of the school) లేదా ఉన్నతాధికారి అనుమతి తప్పనిసరిగా తీసుకోవాలని ఆదేశాలలో సూచించారు. వీటిపై నిరంతర పర్యవేక్షణ ఉంటుందని, ఉల్లంఘించేవారిపై శాఖాపరమైన చర్యలు ఉంటాయని తెలిపింది.