త్వరలో బీజేపీలో ఆపరేషన్ ఆకర్ష్

హైదరాబాద్: చేరికల విషయంలో తెలంగాణ కమలనాథులు ఆచీ.. తూచీ అడుగులేస్తున్నారా? మరోసారి ఆపరేషన్ ఆకర్ష్ ఉండబోతుందా? నేతల చేరికలపై హైకమాండ్ ఎలాంటి ఆదేశాలు ఇచ్చింది?.. కేసీఆర్ సర్కార్‌పై ఇటు ప్రజల్లోనూ, అటు తెలంగాణ ఉద్యమ కారుల్లోనూ వ్యతిరేకత ఏర్పడింది. దీన్నే కమలనాథులు క్యాష్ చేసుకోవాలనుకుంటున్నారు. ఇప్పటికే పలువురు తెలంగాణ సాధన ఉద్యమకారులు బీజేపీ గూటికి చేరారు. ఈ క్రమంలో బీజేపీ మరోసారి ఆపరేషన్ ఆకర్ష్‌కు తెరతీస్తోందన్న చర్చ జరుగుతోంది. అయితే చేరికల విషయంలో అప్రమత్తంగా వ్యవహరించాలని బీజేపీ భావిస్తోంది. వచ్చే ఎన్నికల్లో అధికారమే లక్ష్యంగా బండి సంజయ్ ఆధ్వర్యంలో కమలనాథులు దూకుడుగా వ్యవహరిస్తున్నారు. టీఆర్ఎస్ ప్రభుత్వ వైఫల్యాలను ప్రజల్లోకి తీసుకువెళ్లాలని భావిస్తున్నారు. ఈ సందర్భంగా జనవరి 2వ వారంలోనే పలువురు నేతలను పార్టీలో చేర్చుకుందామని భావించినప్పటికీ కోవిడ్ కారణంగా వాయిదా వేసుకున్నారనే సమాచారం.