Manikyam tagore Tweet: తెలుగు వారి ఆత్మ గౌరవాన్ని షా కాళ్ల దగ్గర పెట్టారు
ABN , First Publish Date - 2022-08-22T16:58:51+05:30 IST
కేంద్ర మంత్రి అమిత్ షా చెప్పులు మోసిన బండి సంజయ్ వీడియోపై తెలంగాణ కాంగ్రెస్ వ్యవహారాల ఇంచార్జ్ మాణిక్యం ఠాగూర్ స్పందించారు.
హైదరాబాద్: కేంద్ర మంత్రి అమిత్ షా (Amith shah) చెప్పులు మోసిన బండి సంజయ్ (Bandi sanjay) వీడియోపై తెలంగాణ కాంగ్రెస్ వ్యవహారాల ఇంచార్జ్ మాణిక్యం ఠాగూర్ (Manikyam tagore) స్పందించారు. ‘‘తెలుగు వారి ఆత్మ గౌరవాన్ని అమిత్ షా కాళ్ల దగ్గర పెట్టారని, బీజేపీ (BJP)లో బీసీ నేత స్థానం ఏంటో చూడండి. తెలుగు వారి ఆత్మగౌరవం ఇదేనా?.. అమిత్ షా (Union minister) చెప్పులు మోయడమేంటి’’ అంటూ ఠాగూర్ ట్వీట్ చేశారు.
మరోవైపు అమిత్ షాకు బండి సంజయ్ (BJP Leader) చెప్పులు అందివ్వడంపై సోషల్ మీడియాలో దుమారం రేపుతోంది. గుజరాత్ నేతల కాళ్ల దగ్గర తెలంగాణ ఆత్మగౌరవాన్ని పెట్టారంటూ టీఆర్ఎస్ నేతలు (TRS Leaders) పోస్టులు పెట్టారు. భవిష్యత్తులో అమిత్ షా కాళ్ల దగ్గర తెలంగాణను తాకట్టు పెడతారనడానికి ఈ సంఘటన ఉదాహరణ అంటూ ట్వీట్ చేశారు.