తాత్కాలిక ఉద్యోగులకు డిమాండ్
ABN , First Publish Date - 2020-10-30T06:23:06+05:30 IST
ఉద్యోగాన్వేషకుల్లో కాంట్రాక్టు లేదా తాత్కాలిక కొలువులపై ఆసక్తి 150 శాతం పెరిగిందని జాబ్ పోర్టల్ ఇండీడ్ తాజా నివేదిక వెల్లడించింది...
బెంగళూరు: ఉద్యోగాన్వేషకుల్లో కాంట్రాక్టు లేదా తాత్కాలిక కొలువులపై ఆసక్తి 150 శాతం పెరిగిందని జాబ్ పోర్టల్ ఇండీడ్ తాజా నివేదిక వెల్లడించింది. అలాగే, ఈ ఏడాది జనవరి-జూలై మధ్యకాలంలో కాంట్రాక్టు లేదా తాత్కాలిక ఉద్యోగ ప్రకటనలు 119 శాతం పెరిగాయని తెలిపింది. కరో నా సంక్షోభం కారణంగా దాదాపు అన్ని రంగాల పరిశ్రమలు మూతపడటమే ఇందుకు కారణమని రిపోర్టులో పేర్కొంది.
తమ సైట్ డేటా ప్రకారం.. భారత జాబ్ మార్కెట్లో గణనీయ మార్పు వస్తోందని, తాత్కాలిక ఉద్యోగాలకు ఆదరణ పెరుగుతోందని ఇండీడ్ ఇండియా ఎండీ శశి కుమార్ అన్నారు. కాగా, లాక్డౌన్ కారణంగా కుదేలైన రిటైల్ రంగం క్రమంగా పుంజుకుంటోందని నౌకరీ డాట్కామ్ పేర్కొంది. ఈ రంగం లో ఉద్యోగ నియామకాలు ఆగస్టుతో పోలిస్తే సెప్టెంబరులో 15 శాతం వృద్ధి చెందాయని తెలిపింది.