అదిగో పులి.. ఇదిగో గాండ్రింపు!

Published: Thu, 07 Jul 2022 01:03:57 ISTfb-iconwhatsapp-icontwitter-icon
అదిగో పులి.. ఇదిగో గాండ్రింపు!మర్రివలస గ్రామస్థులతో మాట్లాడుతున్న అటవీ శాఖ అధికారులు

రావికమతం మండలం గొల్లలపాలెం రిజర్వు ఫారెస్టులో సంచారం?

కొనసాగుతున్న అటవీ శాఖ గాలింపు

సమీప గ్రామాల్లో గస్తీ 

ప్రజలు అప్రమత్తంగా ఉండాలని పిలుపు

బుచ్చెయ్యపేట మండలం చినమల్లాంలో పులి గాండ్రింపులు?  


రావికమతం, జూలై 6: గత వారం రోజులుగా కోటవురట్ల, ఎలమంచిలి, కశింకోట మండలాల్లోని అటవీ ప్రాంతాల్లో సంచరిస్తున్న పెద్దపులి... తాజాగా రావికమతం మండలం గొల్లలపాలెం రిజర్వు ఫారెస్టులోకి వచ్చి ఉంటుందని అటవీ శాఖ అధికారులు భావిస్తున్నారు. గత రెండు రోజుల నుంచి  గొల్లలపాలెం రిజర్వు ఫారెస్టును ఆనుకొని ఉన్న తట్టబంద, పొర్లుపాలెం, మర్రివలస, వమ్మవరం, బూరుగుపాలెం తదితర గ్రామాల్లో పర్యటిస్తూ ప్రజలు అప్రమత్తంగా ఉండాలనిదండోరా వేయిస్తున్నారు. రిజర్వు ఫారెస్టులోకి, సరుగుడు తోటలవైపు పశువులు, మేకలను మేతకు తోలుకెళ్ల వద్దని, రాత్రిపూట గ్రామ శివారుల్లోని పాకల్లో పశువులను ఉంచ వద్దని చెబుతున్నారు. 


చినమల్లాంలో పులి గాండ్రింపులు!

బుచ్చెయ్యపేట, జూలై 6: మండలంలోని మల్లాం శివారు చినమల్లాం రెవెన్యూ పరిధిలో బుధవారం మధ్యాహ్నం పెద్దపులి గాండ్రింపులు వినిపించినట్టు పలువురు చెబుతున్నారు.  దీంతో మల్లాం, చినమల్లాం, గోకాడపాలెం, చినభీమవరం, గంగాదేవిపేట గ్రామాలకు చెందిన రైతులు పొలాల నుంచి పరుగు పరుగున ఇళ్లకు చేరుకున్నారు. చినమల్లాం గ్రామానికి చెందిన గొలగాని తాతమ్మ తన జీడిమామిడి తోటలో పులి గాండ్రింపు వినిపించిందని సాటి రైతులు తెలిపారు. కాగా పెద్ద పులి కశింకోట మండలం తాళ్లపాలెం ప్రాంతం నుంచి బుచ్చెయ్యపేట మండలం పూలకొండకు చేరుకుందని, నల్లకొండ వైపు వెళుతున్నదన్న అనుమానాలు వ్యక్తం చేస్తున్నారు. నల్లకొండ ప్రాంతం మీదుగా పంగిడి ప్రాంతంలోకి వచ్చే అవకాశం వుందని అంటున్నారు. 


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.