ఆ సినిమాలు తీసింది ఇక్కడే!
ABN , First Publish Date - 2021-02-25T05:34:22+05:30 IST
కొన్ని సినిమాలు చూస్తుంటే వాటిని ఎక్కడ చిత్రీకరించారో తెలుసుకోవాలన్న కుతుహులం కలుగుతుంది.
కొన్ని సినిమాలు చూస్తుంటే వాటిని ఎక్కడ చిత్రీకరించారో తెలుసుకోవాలన్న కుతుహులం కలుగుతుంది. అలాంటి కొన్ని సినిమాలు చిత్రీకరణ జరుపుకొన్న ప్రాంతాలు ఇవి.
జాస్ : స్టీవెన్ స్పీల్బర్గ్ తీసిన ‘జాస్’ సినిమా చూసి ఉంటే ఈ చిత్రాన్ని మీరు గుర్తుపడతారు. ఒక షార్క్ మనుషులపై దాడి చేసి చంపడాన్ని ఇతివృత్తంగా తీసుకుని తీసిన ఈ సినిమా ప్రేక్షకులను విశేషంగా ఆకట్టుకుంది. ఈ సినిమా ఎక్కువ భాగం మసాచుసెట్స్లోని మార్తా వైన్యార్డ్లో చిత్రీకరణ జరుపుకొంది.
బ్రేకింగ్ బ్యాడ్ : టీవీ షోల్లో ఆల్ టైం హిట్గా ‘బ్రేకింగ్ బ్యాడ్’ షో గుర్తింపు పొందింది. అవార్డులను సైతం సొంతం చేసుకుంది. ఈ షోలో ఎక్కువ భాగం న్యూమెక్సికోలోని అల్బుకెర్కీలో చిత్రీకరించారు. ఈ చిత్రంలో కనిపిస్తున్న రెస్టారెంట్ అదే.
ఫారెస్ట్ గంప్ : ఈ సినిమా యూఎస్లోని రకరకాల ప్రాంతాల్లో చిత్రీకరణ జరుపుకొంది. వార్ సీన్స్, సినిమాలో ఓ క్యారెక్టర్ పరుగెత్తే దృశ్యాలను నార్త్ కరోలినాలోని బ్లూ రిడ్జ్ పార్క్వే దగ్గరే చిత్రీకరించారు. ఆ ప్రాంతం ఇదే.
స్ట్రేంజర్ థింగ్స్ : ఈ సినిమా చిత్రీకరణ ఎక్కువ భాగం అట్లాంటా, జార్జియాతో పాటు చుట్టుపక్కల ప్రాంతాల్లో జరిగింది. హైస్కూల్ దృశ్యాలు స్టాక్బ్రిడ్జ్లోని పాట్రిక్ హెన్రీ హైస్కూల్ పరిసరాల్లో తీశారు.
ది నోట్బుక్ : ‘నికోలస్ స్పార్క్స్’ నవల ఆధారంగా తీసిన సినిమా ఇది. ఇందులో ప్రధానపాత్ర పోషించిన రాచెల్ మెక్ఆడమ్స్ ఇంటి దృశ్యాలను బూన్ హాల్ ప్లాంటేషన్గా గుర్తింపు పొందిన ఈ ప్రదేశంలోనే చిత్రీకరించారు.