అగ్నిపథ్‌ పథకాన్ని రద్దు చేయాలి
ABN , First Publish Date - 2022-06-27T06:31:50+05:30 IST
అగ్నిపథ్‌ పథకాన్ని రద్దు చేయాలని విద్యార్థి, ఉపాధ్యాయ, కార్మిక, ఉద్యోగ సంఘాలు ముక్తంకఠంతో డిమాండ్‌ చేశాయి. ఇక్కడి కార్మిక కర్షక నిలయంలో ఆదివారం సదస్సు నిర్వహించారు.
సదస్సులో విద్యార్థి, ఉపాధ్యాయ, కార్మిక, ఉద్యోగ సంఘాల డిమాండ్‌
అనకాపల్లి టౌన్‌, జూన్‌ 26 : అగ్నిపథ్‌ పథకాన్ని రద్దు చేయాలని విద్యార్థి, ఉపాధ్యాయ, కార్మిక, ఉద్యోగ సంఘాలు ముక్తంకఠంతో డిమాండ్‌ చేశాయి. ఇక్కడి కార్మిక కర్షక నిలయంలో ఆదివారం సదస్సు నిర్వహించారు. ఈ సందర్భంగా విద్యార్థి సంఘం మాజీ నాయకుడు కె.లోకనాథం మాట్లాడుతూ దేశ రక్షణ రంగాన్ని నిర్వీర్యం చేస్తూ కేంద్ర ప్రభుత్వం తీసుకువచ్చిన అగ్నిపథ్‌ పథకాన్ని రద్దు చేసి, పాత విధానంలోనే రక్షణ రంగంలోని ఖాళీలను భర్తీ చేయాలన్నారు. కౌలు రైతుల సంఘం జిల్లా కార్యదర్శి ఎ.బాలకృష్ణ మాట్లాడుతూ దేశ సంపదను కార్పొరేట్‌ సంస్థలకు కారుచౌకగా కట్టబెట్టి బీజేపీ పాలకులు రక్షణకు సాయుధులైన ప్రైవేటు సైన్యాన్ని ఉపయోగించాలని కుట్రలు చేస్తున్నార న్నారు. సీఐటీయూ జిల్లా ప్రధాన కార్యదర్శి కోటేశ్వరరావు, వృత్తిసంఘాల జిల్లా నాయకులు గంటా శ్రీరామ్‌ మాట్లాడుతూ అగ్నిపథ్‌ పథకాన్ని రద్దు చేయాలని పట్టుబట్టారు. పి.శ్రీనివాసరావు అధ్యక్షతన జరిగిన ఈ సదస్సులో మళ్ల సత్యనారాయణ, బి.ఉమామహేశ్వరరావు, కె.తేలయ్యబాబు, నూకఅప్పారావు పాల్గొన్నారు.
