బైక్ అదుపు తప్పి యువకుడి మృతి
ABN , First Publish Date - 2021-05-07T05:44:02+05:30 IST
నంగునూరు మండలం పాలమాకుల శివారులో బైక్ అదుపు తప్పి ఓ యువకుడు మృతి చెందాడు.
నంగునూరు, మే 6: నంగునూరు మండలం పాలమాకుల శివారులో బైక్ అదుపు తప్పి ఓ యువకుడు మృతి చెందాడు. గురువారం రాజగోపాల్పేట ఎస్ఐ మైపాల్రెడ్డి వివరాల ప్రకారం.. మండలంలోని అప్పలాయచెరువు గ్రామానికి చెందిన నాయని మైపాల్రెడ్డి (25) అనే యువకుడు బుధవారం రాత్రి పాలమాకుల మీదుగా స్వగ్రామానికి బయలుదేరాడు. ఈ క్రమంలో పాలమాకుల శివారులోకి చేరుకోగానే బైక్ అదుపుతప్పి రోడ్డు పక్కనే ఉన్న గుంతలో పడి అక్కడికక్కడే మృతి చెందాడు. మృతుడి తండ్రి కాంతరెడ్డి ఫిర్యాదు మేరకు కేసు దర్యాప్తు చేస్తున్నట్లు ఎస్ఐ పేర్కొన్నారు.