మొసలి ఆయన పెంపుడు జంతువు!
ABN , First Publish Date - 2020-12-14T06:26:13+05:30 IST
ఇంట్లో కుక్కలను పెంచుకోవడం సాధారణ విషయమే. పిల్లులను, చిలుకలను పెంచుకొనే వాళ్లను కూడా చూసుంటారు.
ఇంట్లో కుక్కలను పెంచుకోవడం సాధారణ విషయమే. పిల్లులను, చిలుకలను పెంచుకొనే వాళ్లను కూడా చూసుంటారు. కానీ జపాన్లో ఓ వ్యక్తి ఏకంగా ఇంట్లో మొసలిని పెంచుకుంటున్నాడు. దాదాపు నాలుగు దశాబ్దాలుగా ఆ మొసలి ఆయన ఇంట్లో పెంపుడు జంతువులా పెరిగింది.
జపాన్లో హిరోషిమాలోని క్యూర్ సిటీలో నివసించే నోబుమిత్సు అనే వ్యక్తి తన కొడుకు మారాం చేయడంతో ఓ మొసలి పిల్లను కొనిచ్చాడు. అప్పటి నుంచి ఆ మొసలి ఇంట్లో వ్యక్తిగా మారిపోయింది.
ఏడు అడుగుల పొడవు, 45 కేజీల బరువుండే ఈ మొసలిని తీసుకుని నోబుమిత్సు వాకింగ్కు కూడా వెళుతుంటారు.
నోబుమిత్సు నివసించే చుట్టు పక్కల వాళ్లందరికీ మొసలి గురించి తెలుసు. పిల్లలు, పెద్దలు అందరూ ఆ మొసలితో ఫొటోలు దిగడానికి ఆసక్తి చూపుతుంటారు. ఆ మొసలి వల్ల నోబుమిత్సు క్యూర్సిటీలో హీరో అయ్యాడు.
మొసలి కోసం ఇంట్లోనే ఓ బాత్ టబ్ ఏర్పాటు చేశారు. అయితే ఇంట్లో అది స్వేచ్ఛగా తిరుగుతూ ఉంటుంది. నిత్యం మనుషులతో ఉండటం వల్ల ఆ మొసలి మనుషులను చూసి బెదరడం, గాయపరచడం చేయలేదు.