ఒరిగిన చెట్టును నిలబెట్టారు!
ABN , First Publish Date - 2021-05-09T05:14:16+05:30 IST
తమకు నీడనిచ్చే చెట్టు తమ కళ్ల ముందే నేల కూలడాన్ని ఆ యువకులు జీర్ణించుకోలేపోయారు. నేలకూలిన చెట్టుకు తిరిగి ప్రాణం పోశారు.
చీపురుపల్లి, మే 8: తమకు నీడనిచ్చే చెట్టు తమ కళ్ల ముందే నేల కూలడాన్ని ఆ యువకులు జీర్ణించుకోలేపోయారు. నేలకూలిన చెట్టుకు తిరిగి ప్రాణం పోశారు. చీపురుపల్లి జీవీఆర్ ప్రభుత్వ జూనియర్ కళాశాల మైదానంలోని ఓ చెట్టు ఇటీవల ఈదురు గాలులకు నేలకొరిగింది. దీంతో ఆ మైదానంలో వివిధ పోటీలకు సిద్ధమ వుతున్న నిరుద్యోగులు, పట్టణానికి చెందిన ఆశయ సంస్థ సభ్యులు చెట్టును వేళ్లతో బాటు తిరిగి నిలబెట్టారు. ఎప్పటి లాగే తిరిగి మట్టి, నీరు పోసి దానికి ప్రాణం పోశారు. దీనిపై స్థానికులు హర్షం వ్యక్తం చేశారు.