ఎలుక అత్యాశ

ఒక ఎలుకకు ఎక్కడా ఆహారం దొరకలేదు. చాలా రోజులు ఏమి తినకపోవడంతో అది బాగా బక్కచిక్కిపోయింది. ఒకరోజు ఆ ఎలుకకు మొక్కజొన్నలు ఉన్న పెద్ద బుట్ట కనిపించింది. వెంటనే దానికి ఉన్న చిన్న రంధ్రం గుండా ఎలుక ఆ బుట్టలోకి వెళ్లింది. ఆకలి తీరేదాకా తిన్నది. ఆ తరువాత బయటకు రాకుండా మళ్లీ ఆహారం దొరకుతుందో లేదో అని అత్యాశతో అక్కడే ఉండి మొక్కజొన్నలు తినసాగింది.

ఒకరోజు రంధ్రంలోంచి బయటకు వచ్చేందుకు ప్రయత్నించింది. కానీ అప్పటికి ఎలుక లావెక్కడంతో సాధ్యం కాలేదు. ‘బయటకు ఎలా వెళ్లాలి’ అని ఆలోచనలో పడి ంది. అదేసమయంలో ఆ బుట్ట పక్క నుంచి  వెలుతున్న మరో ఎలుక దీని అరుపులు విని ‘నువ్వు ఆ బుట్టలోంచి బయటపడాలంటే, ముందు అందులోకి వెళ్లేముందు ఎంత సన్నగా ఉన్నావో అలా అయ్యేంతవరకూ వేచి ఉండాలి’ అంది. అప్పుడు ఎలుక అనవసరంగా అత్యాశకు పోయానని బాధపడింది.