Advertisement

అదే అందం

Jan 6 2021 @ 00:00AM

భిన్నత్వంలో ఏకత్వం భారతీయతలో ఉన్న గొప్పదనం. దాన్ని ప్రతిబింబించేలా మత విశ్వాసాల్లో ఉన్న వైవిధ్యాన్ని థీమ్‌గా ఎంచుకుని... ఒకే చిత్రంలో దాన్ని చూపే ప్రయత్నం చేశాడు ప్రముఖ ఫొటోగ్రాఫర్‌ బిక్రమ్‌జిత్‌ బోస్‌. నటి జోయా హుస్సేన్‌పై తీసిన ఈ ఫొటోకు ‘ఈక్వల్లీ బ్యూటిఫుల్‌’ అనే టైటిల్‌ పెట్టారు.

భిన్న సంస్కృతులను ప్రతిబింబించేలా నాలుగు రకాల సంప్రదాయ ఆహార్యాల్లో జోయా కనిపిస్తుందీ ఫొటోలో. కట్టూ బొట్టులో వైవిధ్యం ఉన్నా ‘అందం అదే’ననే ఓ శక్తివంతమైన సందేశాన్ని సమాజానికి ఇచ్చే ప్రయత్నం చేశాడు బిక్రమ్‌జిత్‌ బోస్‌. ఈ థీమ్‌కు రూపకల్పన ప్రముఖ డిజైనర్‌ రితూ కుమార్‌.


‘ఈక్వల్లీ బ్యూటిఫుల్‌’ పేరిట దీన్ని ఒక క్యాంపెయిన్‌గా మలిచి, దానికి విస్తృత ప్రచారం కల్పిస్తున్నారు పారిశ్రామికవేత్త అమ్రిష్‌ కుమార్‌. దేశ రాజధాని ఢిల్లీలోని హోర్డింగ్స్‌పైన, అలాగే సామాజిక మాధ్యమాల ద్వారా ఈ క్యాంపెయిన్‌ను ఆవిష్కరించారు. నెట్టింట ఇప్పుడిది చక్కర్లు కొడుతోంది. ఎందరో కళాభిమానులను ఆకట్టుకుంటోంది.


Follow Us on:
Advertisement
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.