గడపగడపలో అవే విన్నపాలు
ABN , First Publish Date - 2022-05-29T06:11:18+05:30 IST
మండలంలో గల ఎస్‌ఆర్‌పురం పంచాయతీ పరిధి కేదరవానిపాలెంలో శనవారం గడపగడపకు మన ప్రభుత్వం కార్యక్రమాన్ని నిర్వహించారు.
పెందుర్తి, మే 28: మండలంలో గల ఎస్‌ఆర్‌పురం పంచాయతీ పరిధి కేదరవానిపాలెంలో శనవారం గడపగడపకు మన ప్రభుత్వం కార్యక్రమాన్ని నిర్వహించారు. ఇందులో పాల్గొన్న ఎమ్మెల్యే అన్నంరెడ్డి అదీప్‌రాజ్‌ని పింఛన్లు, ఇళ్ల స్థలాలు ఇప్పించాలని పలువురు విన్నవించారు. ఈ సందర్భంగా గడపగడపకి ఎమ్మెల్యే వెళ్లి, పథకాలు అందరికీ అందుతున్నాయో లేదా ఆరా తీశారు. విద్యార్థులతో ముచ్చటించిన ఎమ్మెల్యే అదీప్‌రాజ్‌ విద్యా దీవెన, విద్యా వసతి దీవెన, అమ్మఒడి పథకాల ప్రయోజనాలు వివరించారు. ఎమ్మెల్యే వెంట ఎంపీపీ మదుపాడ నాగమణి పాల్గొన్నారు.
