ltrScrptTheme3

చైనా టెలికాం కంపెనీపై అమెరికా వేటు

Oct 27 2021 @ 18:42PM

వాషింగ్టన్ : చైనా టెలికాం (అమెరికాస్) కార్పొరేషన్ అమెరికన్ మార్కెట్ నుంచి బహిష్కరణకు గురైంది. ఇరు దేశాల మధ్య ఉద్రిక్తతలు పెరుగుతుండటంతో దేశ భద్రతకు, చట్టాల అమలుకు  ముప్పు వాటిల్లే అవకాశం ఉందంటూ ఈ కంపెనీ కార్యకలాపాలను 60 రోజుల్లోగా నిలిపేయాలని ఫెడరల్ కమ్యూనికేషన్స్ కమిషన్ మంగళవారం ఆదేశించింది. 


చైనా టెలికాం (అమెరికాస్) కార్పొరేషన్ చైనా ప్రభుత్వ యాజమాన్యంలోని మూడు పెద్ద టెలికాం సంస్థల్లో ఒకటి. అమెరికాలో ఈ కంపెనీ అందిస్తున్న డొమెస్టిక్ ఇంటర్‌స్టేట్, ఇంటర్నేషనల్ సర్వీస్‌ను  60 రోజుల్లోగా నిలిపేయాలని ఫెడరల్ కమ్యూనికేషన్స్ కమిషన్ మంగళవారం ఓ ఆర్డర్‌ను జారీ చేసింది. చైనా ప్రభుత్వ యాజమాన్యంలో ఈ కంపెనీ నడుస్తోందని, దీనిని చైనా ప్రభుత్వమే నియంత్రిస్తోందని, అందువల్ల అమెరికా దేశ భద్రత, చట్టాల అమలుకు హాని జరిగే అవకాశం ఉందని తెలిపింది. చైనా ప్రభుత్వం ఈ కంపెనీ ద్వారా అమెరికాలో గూఢచర్యానికి, ఇతర హానికర కార్యకలాపాలకు పాల్పడే ప్రమాదం ఉందని పేర్కొంది.


డొనాల్డ్ ట్రంప్ అమెరికా అధ్యక్షుడిగా ఉన్న కాలంలో చైనా ప్రభుత్వ యాజమాన్యంలోని సంస్థలపై ఆంక్షలు ప్రారంభమయ్యాయి. ప్రస్తుత దేశాధ్యక్షుడు జో బైడెన్ కూడా దీనిని కొనసాగిస్తున్నారు. 


Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.