Advertisement

కారు దొంగలించిన దొంగ.. వెనుక సీట్లో పసివాడిని చూసి.. కొపంతో ఊగిపోతూ..

Jan 24 2021 @ 05:06AM

ఓరెగాన్: కారులో పిల్లాడిని వదిలేసినందుకు ఓ తల్లిని తిట్టిపోశాడో వ్యక్తి. అతను ఆమె కుటుంబ సభ్యుడో, రోడ్డుపైన వెళ్తున్న పెద్ద మనిషో అయితే ఓకే. అతనో దొంగ అయితే. సరిగ్గా ఇలాంటి ఘటనే అమెరికాలోని ఓరెగాన్‌లో జరిగింది. ఇక్కడి బీవర్టన్ ప్రాంతంలో హెండర్సన్ ఓ మహిళ కారులో బయటకు వెళ్లింది. ఆ సమయంలో ఓ గ్రాసరీ షాపు కనిపించడంతో కారు ఆపింది. షాపు నుంచి 15 అడుగుల దూరంలో కారు ఆపి.. ఇంజన్ కూడా ఆఫ్ చేయకుండా షాపింగ్ చేయడానికి వెళ్లింది. ఆ సమయంలో తన పసిబిడ్డను కారు వెనుక సీటులోనే వదిలేసింది. ఆమె షాపింగ్ చేస్తున్న సమయంలో ఓ దొంగ.. హెండర్సన్ కారు తీసుకొని పరారయ్యాడు. ఇలా కారు ఎవరో తీసుకెళ్లడం స్టోరో ఉద్యోగి కంటబడింది.


ఆ తర్వాత కాసేపటికి ఆ కారు తిరిగొచ్చింది. దానిలో నుంచి ఓ యువకుడు దిగి.. వెనుక సీట్లోని పసివాడిని ఎత్తుకొచ్చి హెండర్సన్ చేతిలో పెట్టాడు. ‘పిల్లాడిని అలా కారులో వదిలేస్తావా?’ అంటూ ఆమెను తిట్టిపోశాడు. ‘నీపైన పోలీసుకు కంప్లయింట్ చేస్తా’ అంటూ బెదిరించాడు. ఆ తర్వాత బయటకు వచ్చి ఆమె కారే తీసుకొని వెళ్లిపోయాడు. కారు దొంగతనం జరిగిన కొన్ని గంటల తర్వాత హెండర్సన్ కారు దొరికింది. కానీ ఆ దొంగ ఆచూకీ మాత్రం దొరకలేదు. ఈ ఘటన గురించి మాట్లాడిన హెండర్సన్.. ‘‘ఈ ఘటన పిల్లలతో డ్రైవింగ్ చేసే సమయంలో మరింత జాగ్రత్తగా ఉండాలనే పాఠం నేర్పింది. నిజంగా పిల్లాడిని తిరిగివ్వడం కోసం ఆ దొంగ వెనక్కి రావడం అభినందించాల్సిన విషయమే’’ అని పేర్కొంది.

Follow Us on:
Advertisement