ఇది 3డి వంతెన!

Jul 23 2021 @ 00:00AM

అమ్‌స్టర్‌డ్యామ్‌లో కొద్దిరోజుల క్రితం పన్నెండు మీటర్ల పొడవైన స్టీల్‌ వంతెనను ప్రారంభించారు. అలాంటి వంతెనలు ప్రపంచంలో బోలెడున్నాయి. అందులో వింతేముంది అంటారా?

ఇది 3డి ప్రింటెడ్‌ వంతెన. ఆ విశేషాలు ఇవి...


 ఈ వంతెన బరువు ఆరు టన్నులు. ఆరు నెలల పాటు రోబోట్స్‌ సహాయంతో 3డి ప్రింట్‌ టెక్నాలజీతో నిర్మించారు. నిర్మాణం పూర్తయ్యాక క్రేన్‌ సహాయంతో కెనాల్‌పై అమర్చారు.


 ఇందులో ప్రత్యేకత ఏమిటంటే ఈ వంతెనను ఒక లివింగ్‌ ల్యాబొరేటరీగా చెప్పుకోవచ్చు. వంతెనపై అమర్చిన సెన్సర్లు రియల్‌ టైమ్‌ డేటాను సేకరిస్తుంటాయి.


వంతెనపై ఎవరైనా నడిచిన వెళ్లినా, సైకిల్‌పై ప్రయాణించినా సెన్సర్లు గుర్తించి డేటాను జనరేట్‌ చేస్తాయి. ఆ డేటాను లండన్‌లోని ఇంపీరియల్‌ కాలేజ్‌ పరిశోధకులు విశ్లేషిస్తారు. వంతెన సామర్థ్యం, పనితీరు ఎలా ఉందో తెలుసుకుంటారు.  సెన్సర్లు వంతెనలో కలిగే వైబ్రేషన్లు, గాలి నాణ్యత, ఉష్ణోగత్ర, ఒత్తిడి తదితర అంశాలను లెక్కిస్తాయి.


Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.