ltrScrptTheme3

మూడు గంటలు ఆరుబయటే విధులు

Oct 27 2021 @ 01:17AM
ఆరుబయట విధులు నిర్వహిస్తున్న మునిసిపల్‌ కార్యాలయ సిబ్బంది

కొద్దిరోజులుగా నేరేడుచర్ల ప్రజలపై కొండముచ్చు దాడి

మునిసిపాలిటీ కార్యాలయంలోకి దూరడంతో పట్టివేత

ఊపిరిపీల్చుకున్న స్థానికులు  

నేరేడుచర్ల, అక్టోబరు 26: నెల రోజులుగా నేరేడుచర్ల మునిసిపాలిటీ ప్రజలకు కంటిమీద కునుకులేకుండా చేస్తున్న కొండముచ్చు ఎట్టకేలకు మంగళవారం చిక్కింది. ప్రతి రోజూ ప్రజలపై దాడులు చేస్తూ ఇబ్బందులకు గురిచేస్తుండటంతో దానిని పట్టుకునేందుకు ఆంధ్రప్రదేశ్‌ రాష్ట్రంలోని ప్రకాశం జిల్లా నుంచి నిపుణులు పిలిపించారు.  వారు బంధించేందుకు ప్రయత్నించే క్రమంలో మునిసిపాలిటీ కార్యాలయంలోకి దూరింది. దీంతో కార్యాలయం సిబ్బంది సుమారు మూడు గంటల పాటు ఆరుబయటే విధులు నిర్వహించాల్సి వచ్చింది. మొదట బోన్‌లు ఏర్పాటు చేసినా ఫలితం లేకుండా పోవడంతో వలల సాయంతో చాకచక్యంగా బంధించారు. బందీగా ఉన్న కొండముచ్చును చూసేందుకు పరిసర ప్రాంత ప్రజలు పెద్ద ఎత్తున తరలివచ్చారు. కొండముచ్చును అటవీ ప్రాంతంలో వదిలి వేస్తారని మునిసిపాలిటీ కమిషనర్‌ గోపయ్య తెలిపారు. ఎట్టకేలకు కొండముచ్చును పట్టుకోవడంతో స్థానికులు ఊపిరిపీల్చుకున్నారు.  

బందీ అయిన కొండ ముచ్చు


Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.