నోటి దుర్వాసన పోవాలంటే.. ఇలా చేసి చూడండి!
ABN , First Publish Date - 2022-03-19T17:08:41+05:30 IST
కొందరు మాట్లాడుతుంటే నోటి దుర్వాసన వస్తుంది. అది ఆహార పదార్థాల వల్ల కావచ్చు..
ఆంధ్రజ్యోతి(19-3-2022)
కొందరు మాట్లాడుతుంటే నోటి దుర్వాసన వస్తుంది. అది ఆహార పదార్థాల వల్ల కావచ్చు.. పొట్టలోపల ఆహారం సరిగా జీర్ణం కాకపోవటం వల్ల ఇలాంటి సమస్య తలెత్తే అవకాశం ఉంది. ఇలాంటి నోటి దుర్వాసన పోగొట్టాలంటే ఇలా చేయాలి.
జంక్ఫుడ్ అధికంగా తిన్నా, సరైన నిద్రలేకున్నా, ఆహారం జీర్ణం కాకపోయినా పొట్టలోని బ్యాక్టీరియాల వల్ల వాసన వస్తుంది.
ఉదయాన్నే గోరు వెచ్చని నీటిలో నిమ్మరసం కలిపి తాగాలి. దీనివల్ల నోటిలో, పొట్టలో చెడు బ్యాక్టీరియా పోతుంది. గ్రీన్టీ తాగితే మంచి ఫలితం ఉంటుంది.
ఆహారంలో అల్లం, యాలకులు చేర్చితే పొట్టలో వాసన పోతుంది.
టొమాటో రసం, పెరుగు, మజ్జిగ వంటివి తాగితే చెడు వాసన రాదు.
దంత సమస్యలు కూడా కారణం కావచ్చు. కాబట్టి ఒకసారి దంత వైద్యున్ని కలిసి పరీక్ష చేయించుకోవాలి.