పడిపోయిన టమోటా ధర.. నిరాశలో రైతులు

Sep 18 2021 @ 12:39PM

హోసూరు(కర్ణాటక): టమోట ధరలు సాధారణ ధర కు చేరుకుందని రైతులు ఆశించేలోపే రైతులకు నిరాశే మిగిలింది. నెల రోజులుగా టమోట ధరలు సాధారణంగా బాక్సు రూ.300 నుంచి 400 దాక ధర పలికింది. టమోట పంటలు పండించిన రైతులు ఆనందించిలోపే గతవారం రోజులుగా టమోట ధర బాక్సు రూ.100కు పడిపోయింది. ప్రస్తుతం టమోటా బాక్సు ధర రూ.100 - 150 వరకు ధర పలుకుతోంది. సెప్టెంబరు నెలలో టమోట ధరలు పెరుగుతాయని కృష్ణగిరి జిల్లావ్యాప్తంగా సుమా రు 2వేల ఎకరాలలో రైతులు టమోట పంట వేశారు. ప్రస్తుతం పంట చేతికొచ్చేసరికి ధరలు తీవ్రగా పడిపోయాయి. చాలా మంది రైతులు సుమారు టమోట పండించడానికి ఎకరానికి లక్షకుపైగా ఖర్చు చేశారు. అయితే గిట్టుబాటు ధర రాకపోయేసరికి రైతులు తీవ్ర దిగ్ర్భాంతికి గురైయ్యారు. కొంతమంది రైతులు మాత్రం పండించిన టమోటా పంటను తోట్లల్లోనే వదిలేశారు. కృష్ణగిరి జిల్లాలో డెంకణీకోట, తళి, అంచెట్టి, ఉద్దనపల్లి, సూళగిరి ప్రాంతాల్లో బోరుబావుల్లో నీరు అంతంతమాత్రమే ఉండడంతో రైతులు ఆశించి ధరలు పెరుగుతాయని ఊహించి టమోటాపంట వేశారు. సాధారణధర కూడా పలకకపోవడంతో రైతులు దిగులు చెందుతున్నారు. 


Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.