Torrent Gas: పీఎన్‌జీ, సీఎన్‌జీ రేట్లను తగ్గించిన టోరెంట్ గ్యాస్

న్యూఢిల్లీ: గృహ వినియోగ పైప్‌డ్ నేచురల్ గ్యాస్ (PNG), వాహనాలకు వాడే కంప్రెస్డ్ నేచురల్ గ్యాస్ (CNG) ధరలను ఐదు రూపాయల చొప్పున తగ్గిస్తూ టొరెంట్ గ్యాస్ నిర్ణయం తీసుకుంది. ఈ సంస్థ సేవలు అందిస్తున్న అన్ని ప్రాంతాల్లోనూ నిన్నటి నుంచే ఇది అమల్లోకి వచ్చింది. తగ్గింపు నేపథ్యంలో స్టాండర్డ్ క్యూబిక్ మీటర్‌ (SCM) పీఎన్‌జీ ధర రూ. 47 కు తగ్గింది. అలాగే, పీఎన్‌జీ ధర కిలోకు రూ. 87కు తగ్గింది.

దేశీయ పీఎన్‌జీ, సీఎన్‌జీలకు సహజవాయువు కేటాయింపులను 85 శాతం నుంచి 95 శాతానికి పెంచుతూ కేంద్ర ప్రభుత్వం నిర్ణయం తీసుకోవడంతోనే ధరలను తగ్గించినట్టు టొరెంట్ తెలిపింది. ధరల తగ్గింపుతో వినియోగదారులకు ఉపశమనం లభించినట్టు అయింది. తాజా తగ్గింపు నేపథ్యంలో సంగారెడ్డిలో డొమెస్టిక్ పీఎన్‌జీ ధర SCMకి రూ. 45(పన్నులతో కలిపి) ఉండగా,  LPG ధర 31 శాతం తగ్గింది. అలాగే, సవరించిన సీఎన్‌జీ ధర రూ. కిలోకు 90 (పన్నులతో సహా)గా ఉంది.