సాంకేతిక మార్పులకు అనుగుణంగా శిక్షణ ఉండాలి
ABN , First Publish Date - 2022-10-08T06:10:41+05:30 IST
సాంకేతిక మార్పులకు అనుగుణంగా సర్వీస్ రంగంలోని సంస్థలు శిక్షణా కార్యక్రమాలు నిర్వహించాలని డిప్యూటీ సూపరింటెండెంట్ ఆఫ్ పోలీస్ డి. కోటేశ్వరరావు కోరారు.
సాంకేతిక మార్పులకు అనుగుణంగా శిక్షణ ఉండాలి
డిప్యూటీ సూపరింటెండెంట్ ఆఫ్ పోలీస్ కోటేశ్వరరావు
గవర్నర్పేట, అక్టోబరు 7: సాంకేతిక మార్పులకు అనుగుణంగా సర్వీస్ రంగంలోని సంస్థలు శిక్షణా కార్యక్రమాలు నిర్వహించాలని డిప్యూటీ సూపరింటెండెంట్ ఆఫ్ పోలీస్ డి. కోటేశ్వరరావు కోరారు. 25వ డివిజన్ అరండల్పేటలోని మొబైల్ టెస్ట్ ట్రైనింగ్ ఇన్స్టిట్యూట్ కార్యాలయంలో శుక్రవారం మొబైల్ సర్వీసులో శిక్షణ పూర్తిచేసుకున్న అభ్యర్థులకు సర్టిఫికెట్లు అందజేశారు. ఈ సందర్భంగా కోటేశ్వరరావు మాట్లాడుతూ శిక్షణ పూర్తిచేసుకున్న అభ్యర్థులు అప్డేట్ పరిజ్ఞానాన్ని అందిపుచ్చుకుని వృత్తిలో రాణించాలన్నారు. అనంతరం శిక్షణలో ప్రతిభ చూపిన అభ్యర్థులకు బహుమతులు అందజేశారు. కార్యక్రమంలో ఇన్స్పెక్టర్ ఎం. సతీష్, ఇన్స్టిట్యూట్ సీఈవో మూర్తి, దుర్గాప్రసాద్, ట్రైనింగ్ సెంటర్ సిబ్బంది పాల్గొన్నారు.