చైనా యాప్‌ నుంచి యూసీ బ్రౌజర్‌ తొలగింపు
ABN , First Publish Date - 2021-03-20T05:54:37+05:30 IST
చైనీస్‌ ఆండ్రాయిడ్‌ యాప్‌ నుంచి ‘యూసీ బ్రౌజర్‌’ను తొలగించారు. ‘అలీబాబా’ అజమాయిషీలో ఉన్న దీన్ని వెబ్‌, స్మార్ట్‌ఫోన్‌ బ్రౌజర్‌ నుంచి తీసేశారు
చైనీస్‌ ఆండ్రాయిడ్‌ యాప్‌ నుంచి ‘యూసీ బ్రౌజర్‌’ను తొలగించారు. ‘అలీబాబా’ అజమాయిషీలో ఉన్న దీన్ని వెబ్‌, స్మార్ట్‌ఫోన్‌ బ్రౌజర్‌ నుంచి తీసేశారు.
చైనీస్‌ అధికారిక టెలివిజన్‌లో ఈ వ్యవహారంపై విమర్శలు వచ్చిన మరుసటి రోజే ఈ పని చేపట్టారు. చైనా స్మార్ట్‌ఫోన్‌ కంపెనీలు ‘హువాయ్‌’, ‘షావోమీ’, ‘వివో’ ఆపరేట్‌ చేసే ఆండ్రాయిడ్‌ యాప్‌ స్టోర్‌ల నుంచి వీటిని డౌన్‌లోడ్‌ చేసుకోవడం ఇకపై కుదరదు. అయితే ‘యాపిల్‌’కు చెందిన యాప్‌ స్టోర్‌ నుంచి దీన్ని డౌన్‌లోడ్‌ చేసుకోవచ్చు.
ఈ పరిణామంపై ‘హువాయ్‌’ ఇంకా స్పందించలేదు. మిగిలిన రెండు కంపెనీలు కామెంట్‌ చేసేందుకు నిరాకరించాయి.
