Live
TV
Umran Malik ఖాతాలో మరో రికార్డు.. అత్యంత వేగవంతమైన బంతిని సంధించిన SRH బౌలర్
ABN , First Publish Date - 2022-05-06T23:51:48+05:30 IST
సన్ రైజర్స్ హైదరాబాద్ పేసర్ ఉమ్రాన్ మాలిక్ ఖాతాలో మరో రికార్డు వచ్చి చేరింది. గురువారం ఢిల్లీ కేపిటల్స్‌తో
ముంబై: సన్ రైజర్స్ హైదరాబాద్ పేసర్ ఉమ్రాన్ మాలిక్ ఖాతాలో మరో రికార్డు వచ్చి చేరింది. గురువారం ఢిల్లీ కేపిటల్స్‌తో జరిగిన మ్యాచ్‌లో Umran Malik అత్యంత వేగంగా బంతిని సంధించి రికార్డు సృష్టించాడు. ఇప్పటికే అత్యంత వేగంగా బంతులు సంధిస్తూ క్రికెట్ ప్రపంచం దృష్టిని ఆకర్షించిన మాలిక్.. ఢిల్లీతో జరిగిన మ్యాచ్‌లో ఇన్నింగ్స్ చివరి బంతిని ఏకంగా 157 కిలోమీటర్ల వేగంతో సంధించాడు. ఐపీఎల్‌లో ఈ సీజన్‌లో అత్యంత వేగవంతమైన డెలివరీ ఇదే. ఈ బంతిని ఎదుర్కొన్న Rovman Powell దానిని బౌండరీకి తరలించాడు.
కాగా, ఉమ్రాన్ మాలిక్ ఇటీవల 156 కిలోమీటర్ల వేగంతో బంతిని సంధించాడు. ఇప్పుడు మరింత వేగంగా బంతిని విసిర తన రికార్డును తానే బద్దలుగొట్టాడు. ఇక, ఓవరాల్‌గా చూసుకుంటే ఆసీస్ పేసర్ షాన్ టెయిన్ పేరిట అత్యంత వేగవంతమైన డెలివరీ రికార్డు ఉంది. షాన్ టెయిన్ 157.3 కిలోమీటర్ల వేగంతో బంతిని సంధించాడు. ఈ జాబితాలో అతడు అగ్రస్థానంలో ఉండగా, ఇప్పుడు ఉమ్రాన్ రెండో స్థానంలో నిలిచాడు. టీమిండియా మాజీ పేసర్ జవగళ్ శ్రీనాథ్ 1997లో జింబాబ్వేతో జరిగిన మ్యాచ్‌లో 157 కిలోమీటర్ల వేగంతో బంతిని సంధించాడు. ఇప్పుడు ఉమ్రాన్ అంతే వేగంతో బంతిని విసిరి అతడి సరసన చేరాడు.
