నేడు 400 పడకల కోవిడ్ ఆసుపత్రిని ప్రారంభించనున్న సీఎం
ABN , First Publish Date - 2020-08-08T15:37:34+05:30 IST
దేశరాజధాని ఢిల్లీ పక్కనే ఉన్న నోయిడా సెక్టార్ -39లో గల జిల్లా ఆసుపత్రి భవనంలో ఏర్పాటు చేసిన 400 పడకల కోవిడ్ ఆసుపత్రి....
న్యూఢిల్లీ: దేశరాజధాని ఢిల్లీ పక్కనే ఉన్న నోయిడా సెక్టార్ -39లో గల జిల్లా ఆసుపత్రి భవనంలో ఏర్పాటు చేసిన 400 పడకల కోవిడ్ ఆసుపత్రి ఈ రోజు ప్రారంభం కానుంది. యూపీ ముఖ్యమంత్రి యోగి ఆదిత్యనాథ్ ఈ ఆసుపత్రిని ప్రారంభించనున్నారు. దీనికిముందు అదనపు ప్రధాన కార్యదర్శి అమిత్ మోహన్ ప్రసాద్ కూడా ఈ కోవిడ్ ఆసుపత్రిలోని ఏర్పాట్లను పర్యవేక్షించారు. ఈ కోవిడ్ ఆసుపత్రిలో సిటీ స్కాన్, డయాలసిస్ యూనిట్ సౌకర్యం కూడా ఏర్పాటుచేశారు. నిపుణులైన వైద్యులను నియమించారు. ఈ ఆసుపత్రిలో కరోనా బాధితుల కోసం 400 పడకలు సిద్ధం చేశారు. మొదటి అంతస్తులో ఐసీయూ, ఎమర్జెన్సీ వార్డులు, ఐదవ అంతస్తులో ఐసోలేషన్ వార్డ్ ఏర్పాటు చేశారు. అలాగే రెండవ అంతస్తులో డయాలసిస్ యూనిట్, సిటీ స్కాన్ వార్డులు ఏర్పాటు చేశారు.