అమెరికా ప్రతినిధుల సభ సభ్యుడిపై విమర్శలు.. కుటుంబమంతా గన్నులు చేతబట్టి గ్రూప్ ఫొటో..

ABN , First Publish Date - 2021-12-06T03:05:18+05:30 IST

అమెరికా ప్రతినిధుల సభ సభ్యుడు థామస్ మేసీపై ప్రస్తుతం తీవ్ర విమర్శలు ఎదుర్కొంటున్నారు. క్రిస్మస్ సందర్భంగా ఆయన తన కుటుంబంతో కలిసి దిగిన ఫొటోనే ఇందుకు కారణం.

అమెరికా ప్రతినిధుల సభ సభ్యుడిపై విమర్శలు.. కుటుంబమంతా గన్నులు చేతబట్టి గ్రూప్ ఫొటో..

ఇంటర్నెట్ డెస్క్: అమెరికా ప్రతినిధుల సభ సభ్యుడు థామస్ మేసీ ప్రస్తుతం తీవ్ర విమర్శలు ఎదుర్కొంటున్నారు. క్రిస్మస్ సందర్భంగా ఆయన తన కుటుంబంతో కలిసి దిగిన ఫొటోనే ఇందుకు కారణం. ఆ ఫొటోలో మేసీ కుటుంబ సభ్యులందరూ గన్నులు చేతపట్టుకుని చిరునవ్వులు చిందిస్తూ ఫోజిచ్చారు. ఈ ఫొటోను సోషల్ మీడియాలో షేర్ చేసిన మేసీ.. శాంటా.. ఈ క్రిస్మస్‌కు బుల్లెట్లు తీసుకురా అంటూ ట్విటర్‌ పోస్ట్ పెట్టారు. అంతకు కొద్ది రోజుల ముందే మిషిగన్ రాష్ట్రంలోని ఉన్న ఓ స్కూల్లో చదువుతున్న విద్యార్థి(15) సెమీ ఆటోమేటిక్ గన్ను చేతపట్టి విచ్చలవిడిగా కాల్పులు జరిపి నలుగురి ప్రాణాలు తీశాడు. ఈ దారుణం నుంచి అమెరికా ఇంకా తేరుకోకమునుపే థామస్ ఇలా గన్నులు చేతబట్టి ఫొటోలు దిగడం, సోషల్ మీడియాలో పెట్టడంతో ఆయనపై విమర్శలు చెలరేగుతున్నాయి.  



Updated Date - 2021-12-06T03:05:18+05:30 IST