అమెరికాలో కరోనా ఉధృతి.. ఒక్కరోజే !

ABN , First Publish Date - 2020-12-04T00:17:58+05:30 IST

అగ్రరాజ్యం అమెరికాలో కరోనా వైరస్ ఉధృతి కొనసాగుతోంది. రోజురోజుకీ రికార్డు స్థాయిలో కొవిడ్ కేసులు నమోదవుతున్నాయి.

అమెరికాలో కరోనా ఉధృతి.. ఒక్కరోజే !

వాషింగ్టన్: అగ్రరాజ్యం అమెరికాలో కరోనా వైరస్ ఉధృతి కొనసాగుతోంది. రోజురోజుకీ రికార్డు స్థాయిలో కొవిడ్ కేసులు నమోదవుతున్నాయి. అలాగే మరణాలు కూడా అంతకంతకు పెరుగుతున్నాయి. గడిచిన 24 గంటల్లో యూఎస్‌లో ఈ వైరస్‌కు 2,700 మందికిపైగా బలైనట్టు జాన్స్ హాప్కిన్స్ యూనివర్సిటీ తెలిపింది. ఏప్రిల్ తర్వాత ఒకేరోజు ఇంత భారీ స్థాయిలో కరోనా మరణాలు సంభవించడం ఇదే తొలిసారని పేర్కొంది. బుధవారం ఒక్కరోజే 2,731 మంది కరోనా వల్ల మృతిచెందారని వెల్లడించింది. దీంతో దేశవ్యాప్తంగా ఇప్పటివరకు కొవిడ్‌కు బలైన వారి సంఖ్య 2,73,181కు చేరింది. ఇక మహమ్మారి ఇప్పటివరకు 1.41 కోట్లకు పైగా మందికి సోకింది. 


అమెరికా వ్యాప్తంగా కరోనా విజృంభణ కొనసాగుతున్నందున ప్రజలు కొవిడ్ నిబంధనలు పాటించడం తప్పనిసరి అని ఆరోగ్యశాఖ అధికారులు సూచిస్తున్నారు. ఒకవేళ వ్యాక్సిన్ అందుబాటులోకి వచ్చిన కొవిడ్ నిబంధనలు పాటిస్తేనే.. వైరస్ వ్యాప్తిని అరికట్టగలమని వైద్య నిపుణులు అభిప్రాయపడుతున్నారు. కాగా, అమెరికన్లకు డిసెంబర్ రెండో వారం నాటికి కొవిడ్ వ్యాక్సిన్ అందుబాటులోకి వచ్చే అవకాశం ఉందని ఆ దేశ ఆరోగ్యశాఖ ఉన్నతాధికారులు మంగళవారం వెల్లడించారు.   


Updated Date - 2020-12-04T00:17:58+05:30 IST