Advertisement

`వకీల్ సాబ్` ఉమెన్స్ డే విషెస్!

Mar 8 2021 @ 11:06AM

రాజకీయాల కారణంగా సినిమాలకు కాస్త బ్రేక్ ఇచ్చిన పవర్‌స్టార్ పవన్ కల్యాణ్ `వకీల్‌సాబ్` సినిమాతో వెండితెర పునరాగమనం చేయబోతున్నారు. మహిళలు ఎదుర్కొంటున్న లైంగిక వేధింపుల సమస్య ఇతివృత్తంతో హిందీలో రూపొందిన `పింక్`‌కు తెలుగు రీమేక్‌గా `వకీల్ సాబ్` తెరకెక్కింది. వేణు శ్రీరామ్ దర్శకత్వంలో దిల్ రాజు, బోనీ కపూర్ సంయుక్తంగా ఈ సినిమాను నిర్మించారు. 

 

అంతర్జాతీయ మహిళా దినోత్సవం సందర్భంగా `వకీల్ సాబ్` యూనిట్ ఓ కొత్త పోస్టర్‌ను అభిమానులతో పంచుకుంది. పవన్‌తో పాటు ఈ సినిమాలో కీలక పాత్రల్లో నటించిన అంజలి, నివేదా థామస్, అనన్యా నాగెళ్లను ఈ పోస్టర్‌లో చూపించారు. ఏప్రిల్ 9వ తేదీన ఈ సినిమా ప్రేక్షకుల ముందుకు రాబోతోంది. ప్రముఖ కథానాయిక శ్రుతీహాసన్ ఈ సినిమాలో మరో కీలక పాత్రలో నటించింది. ఇప్పటికే విడుదలైన టీజర్ అభిమానులను ఆకట్టుకుంది. తమన్ సంగీతం అందించిన రెండు పాటలు ఇప్పటికే విడుదలై శ్రోతలను మెప్పించాయి. 

Follow Us on:
Advertisement
 
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.