వనస్థలిపురంలో శిశువు తల కలకలం

హైదరాబాద్: వనస్థలిపురంలో మొండెం లేని శిశువు తల కలకలం రేపింది. ఓ కుక్క గుర్తుతెలియని శిశువు తలను నోటకరిచి తీసుకువచ్చింది. దీన్ని గమనించిన ఓ వ్యక్తి కుక్కను తరమడంలో తలను అక్కడి వదలి వెళ్లిపోయింది. వనస్థలిపురంలోని సహార గేట్ దగ్గర ఈ ఘటన జరిగింది. ఈ ఘటనపై పాల బూత్ యజమాని పోలీసులకు ఫిర్యాదు చేశారు. వెంటనే అప్రమత్తమైన పోలీసులు డాగ్ స్క్వాడ్‌తో తనిఖీలు చేస్తున్నారు. శిశువు తలను కుక్క ఎక్కడి నుంచి తీసుకువచ్చిందనే దానిపై ఆరా తీస్తున్నారు. కేసు నమోదు చేసుకున్న పోలీసులు.. సీసీ పుటేజీలను పరిశీలిస్తున్నారు. ఈ ఘటనపై స్థానికులు భయాందోళన వ్యక్తం చేస్తున్నారు. ఎవరైనా చంపి తలను మొండాన్ని వేరు చేశారా? లేకపోతే నరబలి ఇచ్చారా? అనే కోణంలో పోలీసులు దర్యాప్తు చేస్తున్నారు.