ఉప్పొంగిన గంగ... నీట మునిగిన ఘాట్లు... హారతి స్థలం మార్పు!

ABN , First Publish Date - 2021-08-03T16:41:48+05:30 IST

కొండ ప్రాంతాల్లో కురుస్తున్న భారీ వర్షాల కారణంగా...

ఉప్పొంగిన గంగ... నీట మునిగిన ఘాట్లు... హారతి స్థలం మార్పు!

వారణాసి: కొండ ప్రాంతాల్లో కురుస్తున్న భారీ వర్షాల కారణంగా  అక్కడి నీరు వారణాసిలోని గంగానదిలోకి వచ్చి చేరుతోంది. ఫలితంగా గంగానదిలోని నీటిమట్టం అంతకంతకూ పెరుగుతోంది. దీంతో ఘాట్లపై నిర్వహించే అంత్యక్రియలకు తీవ్ర ఆటంకం కలుగుతోంది. మరోవైపు పలు ఘాట్లు మునిగిపోవడంతో గంగా హారతి కార్యక్రమానికి ఆటంకాలు ఏర్పడుతున్నాయి. దీంతో హారతినిచ్చే ప్రాంతాన్ని మార్చారు. మణికర్ణిక ఘాట్ పూర్తిగా నీట మునిగింది. దీంతో ఈ ప్రాంతంలో అంత్యక్రియలు నిర్వహించాలనుకునేవారు పలు అవస్థలు పడుతున్నారు. ఉన్నకాస్త స్థలంలో అంత్యక్రియలు నిర్వహించేందుకు చాలా సమయం ఎదురుచూడాల్సివస్తోంది. గంగానది నీటిమట్టం ఆదివారం నాటికి 64.36 మీటర్లకు చేరుకోగా, సోమవారం ఉదయానికి 66.52 మీటర్లకు పెరిగింది. 


Updated Date - 2021-08-03T16:41:48+05:30 IST