ltrScrptTheme3

శ్రీరాజరాజేశ్వరీ దేవిగా దుర్గమ్మ దర్శనం

Oct 15 2021 @ 10:12AM

విజయవాడ: ఇంద్రకీలాద్రిపై దసరా మహోత్సవాలు అత్యంత వైభవంగా జరుగుతున్నాయి. 9వ రోజు విజయదశమి సందర్భంగా శుక్రవారం  అమ్మవారు శ్రీరాజరాజేశ్వరీ దేవిగా భక్తులకు దర్శనమిస్తోంది. విజయదశమికి ఎంతో విశిష్టత ఉంది. విజయదశమినాడు అమ్మవారిని దర్శించుకుంటే అన్ని విజయాలు చేకూరుతాయని భక్తుల విశ్వాసం. చివరి రోజు కావడంతో భక్తులు ఇందకీలాద్రికి పోటెత్తారు. తెల్లవారుజాము నుంచే క్యూ లైన్లు కిక్కిరిపోయాయి. భవానీలు కూడా పెద్ద సంఖ్యలో ఆలయానికి వచ్చారు. 


ఉత్సవాలు చివరి రోజు కావడంతో దుర్గమ్మను దర్శించుకునేందుకు భక్తులు పోటెత్తారు. తెల్లవారుజామున మూడు గంటల నుంచి క్యూ లైన్ మార్గంలో ఉన్నా దర్శనం కావడంలేదంటూ భక్తుల ఆగ్రహం వ్యక్తం చేస్తున్నారు. క్యూ లైన్ మార్గంలో చంటి పిల్లలకు పాలు కూడా ఇవ్వడం లేదంటూ ఆవేదన వ్యక్తం చేశారు. వీఐపీలకు, పోలీసుల కుటుంబాలకు మాత్రమే అధికారులు అనుమతి ఇస్తున్నారంటూ భక్తులు మండిపడుతున్నారు. రాజగోపురం వద్ద అరగంట నుంచి ట్రాఫిక్ జాం అయింది. భక్తులు, వాహన దారులు తీవ్ర ఇబ్బందులు పడుతున్నారు.

Follow Us on:

క్రైమ్ మరిన్ని...

అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.