ltrScrptTheme3

రెండున్నరేళ్లుగా విశాఖను దోచుకుంటున్నారు

Oct 27 2021 @ 01:06AM
మాట్లాడుతున్న అయ్యన్న


 విలువైన స్థలం కనిపిస్తే విజయసాయిరెడ్డి బృందం బెదిరింపులు

 అనుమతులు లేకుండా రుషికొండలో నిర్మాణాలు

 కశింకోటలో వందల ఎకరాల భూమి ఆక్రమణ : మాజీ మంత్రి అయ్యన్న 

నర్సీపట్నం, అక్టోబరు 26 : విశాఖ నగరంలో దొంగలు పడి రెండున్నర సంవత్సరాలుగా దోచుకుంటున్నారని మాజీ మంత్రి సీహెచ్‌.అయ్యన్నపాత్రుడు ఆరోపించారు. స్థానిక విలేఖరులకు మంగళవారం ఆయన ఓ వీడియో సందేశాన్ని విడుదల చేశారు.  నగరంలో విలువైన స్థలం కనిపిస్తే విజయసాయిరెడ్డి బృందం బెదిరించి స్వాధీనం చేసుకుంటున్నారని ఆరోపించారు. విశాఖపట్నం రుషికొండ బీచ్‌లో విలువైన హోటల్‌ని నేలమట్టం చేసి, ఆ స్థలంలో ఎటువంటి అనుమతులు లేకుండా కొత్తగా నిర్మాణాలకు తెగబడుతున్నారని విమర్శించారు. ఈ విషయం అధికారులకు తెలిసినా నోరు మెదపడం లేదని పేర్కొన్నారు. కశింకోటలో వందల ఎకరాల భూమిని ఆక్రమించి అక్రమంగా గ్రావెల్‌ తవ్వకాలు చేపట్టి రవాణా చేస్తున్నారని ఆరోపించారు. ఈ విషయంలో కింద స్థాయి అధికారులను బలి చేయడం దారుణమన్నారు. ఉత్తరాంధ్ర జిల్లాలో జరుగుతున్న అన్యాయాన్ని ప్రజలంతా వ్యతిరేకించాలని అయ్యన్న కోరారు.

Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.