దుబాయి ఎయిర్‌పోర్ట్‌లో అనుమానాస్పదంగా వ్యక్తి.. నిజమేంటో తెలుసుకుని కంగుతిన్న అధికారులు

Sep 20 2021 @ 21:59PM

దుబాయి: మాదక ద్రవ్యాలను అక్రమంగా రవాణా చేస్తూ అధికారులకు చిక్కిన ఓ వ్యక్తికి దుబాయి కోర్టు జైలు శిక్ష విధించడంతోపాటు భారీగా జరిమానా విధించింది. వివరాల్లోకి వెళితే..ఆఫ్రికాకు చెందిన 47ఏళ్ల ఓ వ్యక్తి.. విజిట్ వీసాపై దుబాయి బయల్దేరాడు. దుబాయికి చేరుకున్న అనంతరం ఎయిర్‌పోర్టులో అనుమానాస్పదంగా ప్రవర్తించాడు. దీంతో కస్టమ్స్ అధికారులు.. అతని లగేజీని పరిశీలించారు. అయితే అందులో అనుమానాస్పదంగా ఏం లేకపోవడంతో తిరిగి దాన్ని ఆ వ్యక్తికి ఇచ్చారు. ఈ క్రమంలో సదరు వ్యక్తి.. కంగారుపడట్టాన్ని కమనించారు. దీంతో శరీరాన్ని ఎక్స్ రే తీశారు.


ఈ క్రమంలో అధికారులు ఒక్కసారిగా షాక్ అయ్యారు. కడుపులో సుమారు 49 కొకైన్ కాప్సుల్స్‌ను గుర్తించి కంగుతిన్నారు. దీంతో అతన్ని అదుపులోకి తీసుకుని విచారించారు. యూఏఈలో విక్రయించేందుకే అక్రమ రవాణా చేసినట్లు గుర్తించి కేసు నమోదు చేశారు. ఈ ఘటన 2020 మేలో జరగ్గా.. దీనిపై విచారణ జరిపిన దుబాయి క్రిమినల్ కోర్టు ఆ 47ఏళ్ల వ్యక్తికి 10 సంవత్సరాల జైలు శిక్ష విధించింది. అంతేకాకుండా 50వేల దిర్హమ్‌ల ఫైన్‌ను కూడా కట్టాలంటూ ఆదేశాలు చేసింది. ఇదిలా ఉంటే.. జైలు శిక్ష పూర్తైన తర్వాత సదరు వ్యక్తి.. యూఏఈని విడిచి వెళ్లాల్సి ఉంటుంది. 


Follow Us on:

తాజా వార్తలుమరిన్ని...

అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.