తుపాకుల విషయంలో వాల్మార్ట్ సంచలన నిర్ణయం...
ABN , First Publish Date - 2020-10-30T12:46:12+05:30 IST
తుపాకులు, తూటాలు, మందుగుండు సామాగ్రి విషయంలో అమెరికా అతిపెద్ద రిటైలర్ అయిన వాల్మార్ట్ సంచలన నిర్ణయం....
ఇక స్టోరులో తుపాకులు ప్రదర్శించరు
న్యూయార్కు (అమెరికా): తుపాకులు, తూటాలు, మందుగుండు సామాగ్రి విషయంలో అమెరికా అతిపెద్ద రిటైలర్ అయిన వాల్మార్ట్ సంచలన నిర్ణయం తీసుకుంది. అమెరికాలో వాల్మార్ట్ స్టోర్లలో ఇక నుంచి తుపాకులు, తూటాలను బహిరంగంగా ప్రదర్శించకూడదని నిర్ణయం తీసుకుంది. అమెరికాలో 4,700 దుకాణాల్లో సగం స్టోర్లలో వాల్మార్ట్ తుపాకులను విక్రయిస్తోంది. తుపాకుల వల్ల అశాంతి నెలకొంటున్న నేపథ్యంలో తుపాకులను ఇక స్టోరులో ప్రదర్శించరాదని నిర్ణయించింది. ఖాతాదారుల భద్రత కోసం తుపాకులు, తూటాలను ప్రదర్శన నుంచి తరలించామని వాల్మార్ట్ ఈమెయిల్ సందేశంలో పేర్కొంది. వాల్మార్ట్ గత సంవత్సరం చేతి తుపాకులు, షార్ట్ బారెల్ రైఫిల్, మందుగుండు సామాగ్రి విక్రయాలను నిలిపివేసింది.జార్జ్ ప్లాయిడ్ ను పోలీసులు హతమార్చిన నేపథ్యంలో వాల్మార్ట్ ఈ చర్య తీసుకుంది.