ఫొటోగ్రాఫర్‌పై పగపట్టిన పాము.. తరిమితరిమి కొట్టింది.. వీడియో చూస్తే వామ్మో.. అనాల్సిందే

పాములు పగబడతాయి అంటారు గానీ.. అది ఎంత వరకు నిజమో ఎవరికీ తెలీదు. సాధారణంగా వాటి జోలికి వెళ్తేనే అవి దాడి చేయడం జరుగుతూ ఉంటుంది. ఏ పాము అయినా మనిషి చప్పుడు వినగానే ఆమడ దూరం పరుగెడుతూ ఉంటుంది. అయితే ప్రస్తుతం వైరల్ అవుతున్న వీడియోలో మాత్రం ఓ పాము మరీ విచిత్రంగా ఉన్నట్టుంది. ఫొటో తీస్తున్న వ్యక్తిని తరిమి తరిమి కొట్టింది. ఈ వీడియో చూసిన నెటిజన్లు అవాక్కవుతున్నారు.

ఇన్‌స్టాగ్రాంలో ఓ వీడియో వైరల్ అవుతోంది. అడవిలో ఓ వ్యక్తి ఫొటోలు తీస్తూ ఉంటాడు. ఈ క్రమంలో అతడికి ఓ పాము కనిపిస్తుంది. దీంతో దాన్ని తన కెమెరాలో బంధించేందుకు ప్రయత్నిస్తాడు. ఇతన్ని చూడగానే పాముకు చిర్రెత్తుకొచ్చినట్లుంది. నన్నే ఫొటో తీస్తావా.. అన్నట్లుగా ఒక్కసారిగా అతడిపై విరుచుకుపడుతుంది. దీంతో ఆ ఫొటోగ్రాఫర్ పరుగుందుకుంటాడు. ఈ క్రమంలో కాలు జారి కిందపడడం మనం చూడొచ్చు. వెంటనే పైకి లేచి బతుకుజీవుడా అంటూ మళ్లీ పరుగు మొదలెడతాడు. కానీ పాము మాత్రం బుసలు కొడుతూ అతన్ని వెంటాడుతుంది. ఎలాగోలా దాని నుంచి బయటపడ్డ అతను.. అక్కడి నుంచి వెళ్లిపోతాడు. ప్రస్తుతం ఈ వీడియో తెగ వైరల్ అవుతోంది. దీనిపై నెటిజన్లు ఫన్నీగా కామెంట్లు పెడుతున్నారు. ఇంకెందుకు ఆలస్యం మీరూ ఓ లుక్కేయండి మరి.

ఏనుగు బొమ్మను ఏనుగే వేయడం ఎప్పుడైనా చూశారా.. అవాక్కవుతున్న నెటిజన్లు..