ఏలూరులో ఆరుగురు సభ్యుల కిడ్నాప్ ముఠా అరెస్టు
ABN , First Publish Date - 2021-12-09T16:54:04+05:30 IST
పశ్చిమగోదావరి జిల్లా ఏలూరులో ఆరుగురు సభ్యుల కిడ్నాప్ ముఠాను పోలీసులు అరెస్ట్ చేశారు.
ఏలూరు: పశ్చిమగోదావరి జిల్లా ఏలూరులో ఆరుగురు సభ్యుల కిడ్నాప్ ముఠాను పోలీసులు అరెస్ట్ చేశారు. రెండు రోజుల క్రితం వేమనీడు త్రినాధబాబు అనే వ్యక్తిని ముఠా కిడ్నాప్ చేసింది. త్రినాధ్ బాబు తండ్రికి ఫోన్ చేసి లక్షన్నర రూపాయలను ముఠా డిమాండ్ చేసింది. ఈ కిడ్నాప్‌కు సంబంధించి త్రినాధ్ బాబు బంధువులు పోలీసులకు ఫిర్యాదు చేశారు. వెంటనే స్పందించిన పోలీసులు ఎంతో చాకచక్యంగా ముఠాను అరెస్టు చేసి, త్రినాధ్ బాబును విడిపించారు. కిడ్నాప్ ముఠాకు గుడిపూడి జగదీష్ అనే రౌడీ షీటర్ నేతృత్వం వహించినట్లు పోలీసులు తెలిపారు.
