Whatsapp: సరికొత్త ఫీచర్‌పై వాట్సాప్ కసరత్తు.. ఇది అందుబాటులోకి వచ్చిందంటే మాత్రం..

Published: Mon, 08 Aug 2022 16:19:29 ISTfb-iconwhatsapp-icontwitter-icon
Whatsapp: సరికొత్త ఫీచర్‌పై వాట్సాప్ కసరత్తు.. ఇది అందుబాటులోకి వచ్చిందంటే మాత్రం..

ప్రపంచవ్యాప్తంగా కొన్ని కోట్ల మంది వినియోగిస్తున్న మెసెంజింగ్ యాప్ వాట్సాప్(Whatsapp). వ్యక్తిగత సంభాషణలకు వేదికైన ఈ యాప్‌ను కూడా హ్యాకర్లు టార్గెట్ చేస్తుంటారు. దీంతో.. వాట్సాప్ ఎప్పటికప్పుడు సెక్యురిటీ ఫీచర్స్‌ను అప్‌డేట్ చేస్తూ, హ్యాకర్ల నుంచి యూజర్ల డేటాను కాపాడేందుకు సరికొత్త సెక్యురిటీ ఫీచర్లను డెవలప్ చేస్తూ ఉంటుంది. ఆ చర్యల్లో భాగంగానే వాట్సాప్ ఇప్పుడు ఓ ఫీచర్‌పై కసరత్తు చేస్తున్నట్లు తెలిసింది. ప్రస్తుతం వాట్సాప్ కూడా ఇన్‌స్టాగ్రాం మాదిరిగా ‘లాగిన్ అప్రూవల్ ఫీచర్’ను యూజర్లకు అందుబాటులోకి తీసుకురావాలని భావిస్తున్నట్లు సమాచారం. ఈ ఫీచర్ వల్ల ఉపయోగం ఏంటంటే.. ఎవరైనా హ్యాకర్లు మీ వాట్సాప్‌లో కొత్త డివైజ్‌లో లాగిన్ అవ్వాలని చూస్తే.. మీ ఫోన్‌కు వెంటనే ‘లాగిన్ అప్రూవల్’ కోరుతూ కన్ఫార్మ్ చేయమని నోటిఫికేషన్ వస్తుంది. ఆ కొత్త డివైజ్‌లో లాగిన్ అయింది మీరు కాని పక్షంలో.. వెంటనే ‘No’ ఆప్షన్‌ను సెలెక్ట్ చేస్తే మీ వాట్సాప్‌ను యాక్సెస్ చేసే అవకాశం హ్యాకర్లకు ఉండదు.


ఈ ఫీచర్‌పై వాట్సాప్ కసరత్తు చేస్తోందన్న విషయాన్ని వాట్సాప్ ఫీచర్స్ ట్రాకర్ Wabetainfo తొలిగా బయటపెట్టింది. యూజర్ల వ్యక్తిగత డేటాపై మరింత భద్రత కల్పించేందుకు వాట్సాప్ ఈ దిశగా అడుగులేస్తోందని తెలిపింది. అంతేకాదు.. వాట్సాప్‌లో గ్రూప్ అడ్మిన్స్‌గా ఉండేవారికి గ్రూప్‌పై మరింత నియంత్రణ వారి చేతుల్లో ఉంచేందుకు.. త్వరలోనే గ్రూప్‌లోని సభ్యులు పోస్ట్ చేసిన సందేశాలను కూడా గ్రూప్ అడ్మిన్లు డిలీట్ చేసే ఆప్షన్‌ను వాట్సాప్ అందుబాటులోకి తీసుకురానుంది. ఈ ఆప్షన్ వల్ల గ్రూప్‌లో సభ్యులు తెలిసీతెలియకో, ఉద్దేశపూర్వకంగానో, దురుద్దేశపూర్వకంగానో చేసే పోస్ట్‌లను బాధ్యత కలిగిన వ్యక్తి అడ్మిన్‌గా ఉంటే డిలీట్ చేసే అవకాశం ఉంటుంది. ఈ ఫీచర్ ప్రస్తుతం beta testers కు మాత్రమే అందుబాటులో ఉంది. రానున్న రోజుల్లో అందరికీ అందుబాటులోకి రానుంది.

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ఓపెన్ హార్ట్Latest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.