పెళ్లి వేడుకపై స్థానికుల అభ్యంతరం.. కర్రలు, రాళ్లతో వధువు తండ్రిపై దాడి.. చివరకు..

Published: Mon, 28 Mar 2022 10:37:16 ISTfb-iconwhatsapp-icontwitter-icon
పెళ్లి వేడుకపై స్థానికుల అభ్యంతరం.. కర్రలు, రాళ్లతో వధువు తండ్రిపై దాడి.. చివరకు..

కోలాహలంగా పెళ్లి వేడుక జరుగుతోంది.. చెవులు చిల్లులు పడే డీజే‌ను ఎంజాయ్ చేస్తూ బంధువులు, స్నేహితులు సంతోషంగా వివాహంలో పాల్గొంటున్నారు.. ఆ డీజే కారణంగా స్థానికులు తీవ్ర అసౌకర్యానికి గురయ్యారు.. సౌండ్ తగ్గించాలని అడగడానికి పెళ్లి వేడుక వద్దకు వెళ్లారు.. రాళ్లు, కర్రలతో వధువు తండ్రిపై దాడికి తెగబడ్డారు.. మహిళలని కూడా చూడకుండా బంధువులను చితక్కొట్టారు.. దీంతో బాధితులు పోలీసులను ఆశ్రయించారు. 


రాజస్థాన్‌లోని భరత్‌పూర్‌కు సమీపంలోని బయానాకు చెందిన సంజయ్ కాహర్ అనే వ్యక్తి తన కూతురు లక్ష్మి వివాహానికి భారీ ఏర్పాట్లు చేశాడు. వివాహ వేడుకలో డీజే ఏర్పాటు చేశాడు. పెద్ద పెద్ద బాక్సుల నుంచి భారీగా సౌండ్ రావడంతో స్థానికులు తీవ్ర అసౌకర్యానికి గురయ్యారు. పెళ్లి వేదిక వద్దకు చేరుకుని ఆగ్రహం వ్యక్తం చేశారు. సంజయ్‌పై రాళ్లు, కర్రలతో దాడికి తెగబడ్డారు. సంజయ్‌ను కాపాడేందుకు అతని భార్య, సోదరి ప్రయత్నించారు. 


మహిళలని కూడా చూడకుండా వారిని కూడా స్థానికులు తీవ్రంగా గాయపరిచారు. తీవ్రంగా గాయపడిన ఆ ముగ్గురినీ బంధువులు హాస్పిటల్‌కు తరలించారు. దాడికి తెగబడిన వారిపై పోలీసులకు ఫిర్యాదు చేశారు. కేసు నమోదు చేసుకున్న పోలీసులు గ్రామానికి చేరుకుని విచారణ ప్రారంభించారు. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.