ఇది అరగని సబ్బు.. తరగని అందానికి కాదు.. మరెందుకంటే..

Published: Sat, 26 Mar 2022 11:09:59 ISTfb-iconwhatsapp-icontwitter-icon
ఇది అరగని సబ్బు.. తరగని అందానికి కాదు.. మరెందుకంటే..

ఇటీవలి కాలంలో ఉక్కు ముక్కలా కనిపించే ప్రత్యేకమైన సబ్బులు మార్కెట్‌లో విరివిగా దొరుకుతున్నాయి. ఈ సబ్బును స్టెయిన్‌లెస్ స్టీల్ సబ్బు అంటారు. ఈ సబ్బు వెండి రంగులో ఉంటుంది. సాధారణ సబ్బు ఆకారంలో ఉంటుంది. ఈ సబ్బుకు నురుగు రాదు.  వాసన కూడా ఉండదు. మరి ఈ సబ్బులోని ప్రత్యేకత ఏమిటో.. అది ఎలా పనిచేస్తుందో ఇప్పుడు తెలుసుకుందాం.  ఈ సబ్బు మురికిని శుభ్రం చేయడానికి కాదు.. వాసనను తొలగించడానికి పనిచేస్తుంది. అయితే ఈ సబ్బు వాసనను కలిగివుండదు. అయినప్పటికీ మన శరీర దుర్వాసనను తొలగిస్తుంది. మనం ఉల్లిపాయ లేదా వెల్లుల్లిని కట్ చేసినప్పుడు ఆ వాసన మీ చేతికి అంటుకుంటుంది. ఆ వాసన ఈ సబ్బుతో తొలగిపోతుంది. 

ఈ సబ్బు ఉక్కుతో చేసినది కావడంతో, ఇది శరీరంపై ఏర్పడిన సల్ఫర్ అణువులను తొలగిస్తుంది. చెడు వాసనను నివారిస్తుంది. దీనితో రుద్దడం ద్వారా శరీరపు వాసన తగ్గుతుంది. ఈ స్టెయిన్‌లెస్ స్టీల్ సబ్బు వాసనలను తటస్తం చేయడానికి అమైనో ఆమ్లాలతో మిళితం అవుతుంది. ఈ సబ్బును ఉపయోగించడానికి ప్రత్యేక విధానమంటూ ఏమీ లేదు. ఈ సబ్బును కూడా మామూలు సబ్బు మాదిరిగానే రుద్దుకోవాలి. నురుగు రాకపోయినా దానిపై నీటిని ప్రవహింపచేయడం ద్వారా మీ శరీరపు వాసనను తొలగించుకోవచ్చు. ఈ సబ్బు రుద్దుకోవడం వలన సల్ఫర్ అణువులు ఈ సబ్బుకు అంటుకుంటాయి. ఈ సబ్బును శుభ్రం చేయడం అవసరం. ఈ సబ్బు ధర దాని నాణ్యతపై ఆధారపడి ఉంటుంది. ఈ-కామర్స్ వెబ్‌సైట్ల ప్రకారం ఈ సబ్బు రూ.250 నుంచి రూ.500 వరకు ఉంటుంది. దీనిని ఆన్‌లైన్ ద్వారా కూడా ఆర్డర్ చేయవచ్చు. 


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.