Health Benefits: ఈ ప్రోటీన్ ను ఆహారంలో ఎందుకు చేర్చుకోవాలంటే...? చీజ్ తో కలిగే 7 ఆరోగ్య ప్రయోజనాలు..

టోపు లేదా చీజ్ తో కలిగే ఆరోగ్య ప్రయోజనాలు: సోయా మిల్క్‌ను గడ్డ కట్టించి నొక్కి ఉంచితే చీజ్ లా మారుతుంది. దీన్ని రకరకాల ఆకారాల్లో కట్ చేసుకోవచ్చు. ఇది తక్కువ కేలరీలను కలిగి ఉంటుంది. సహజంగా గ్లూటెన్ రహితంగా ఉంటుంది. చీజ్ లో కాల్షియం, ఇనుము ఉంటుంది. ఇందులో కొలెస్ట్రాల్ ఉండదు కనుక దీనిని తీసుకోవడం వల్ల అనేక ఆరోగ్య ప్రయోజనాలు కలుగుతాయి.

చీజ్ తీసుకోవడం వల్ల కలిగే 7 ఆరోగ్య ప్రయోజనాలు:

1. చీజ్ తీసుకోవడం వల్ల శరీరం బరువు తగ్గుతుంది. ఇందులో కొలెస్ట్రాల్ ఉండదు, ఎందుకంటే ఇది మొక్కల పదార్థాల నుండి తయారవుతుంది.  అధిక-ప్రోటీన్, తక్కువ కార్బ్, తక్కువ కొవ్వు  ఉంటుంది. అతి ఆకలిని నియంత్రిస్తుంది. 

2. చీజ్ సేంద్రీయ భాగాలలో ఒకటైన ఐసోఫ్లేవోన్స్, మెనోపాజ్ లక్షణాలను నియంత్రించడంలో కీలక పాత్ర పోషిస్తుంది. అంతేకాదు చీజ్ ఈస్ట్రోజెన్ స్థాయిలను నిర్వహించడంలోనూ సహకరిస్తుంది.

3. చీజ్ ట్రైగ్లిజరైడ్‌లను తగ్గిస్తుంది, మంచి కొలెస్ట్రాల్‌ను పెంచుతుంది., చెడు కొలెస్ట్రాల్‌ను తగ్గించడంలో సహాయపడుతుంది. 

4. చీజ్ లోని కాల్షియం ఎముకల నిర్మాణంలో కీలకమైన భాగం పోషిస్తుంది. బోలు ఎముకల వ్యాధి ప్రభావాన్ని తగ్గిస్తుంది.

5. మధుమేహ వ్యాధిగ్రస్తులు, చీజ్ తప్పనిసరిగా వాడాల్సిన ఆహారం, ఎందుకంటే ఇది ప్రోటీన్, ఫైబర్ కలిగి ఉండి తక్కువ కార్బోహైడ్రేట్ కంటెంట్ తో ఉంటుంది.

6. చీజ్ ఇతర సోయా ఉత్పత్తులు శరీరంలో కొలెస్ట్రాల్ స్థాయిలను తగ్గించడంలో సహాయపడతాయి, ఇది గుండె జబ్బుల ప్రమాదాన్ని తగ్గిస్తుంది. ఉప్పు శాతం తగ్గడం వల్ల అధిక రక్తపోటు ఉన్నవారికి చీజ్ మేలు చేస్తుంది.

7. లాక్టోస్ అసహనం ఉన్నవారికి అవసరమైన కాల్షియం పొందడానికి చీజ్ సహాయపడుతుంది.